അമേരിക്ക നടത്തിയ ചാരപ്രവര്ത്തി വെളിപ്പെടുത്തിയ മുന് രഹസ്യാന്വോഷണ ഉദ്യോഗസ്ഥന് എഡ്വോഡ് സ്നോഡന് റഷ്യ പൗരത്വം നല്കി. അമേരിക്കയില് നിന്ന് സ്നോഡന് റഷ്യയില് അഭയം തേടിയിരുന്നു. 2013 മുതല് റഷ്യയില് ജീവിക്കുന്ന സ്നോഡന്, അമേരിക്കയിലെ രഹസ്യവിവരങ്ങള് മാധ്യമങ്ങള്ക്ക് നല്കിയതിലൂടെയാണ് പ്രശസ്തനായത്.
അമേരിക്കയുടെ നാഷണല് സെക്യൂരിറ്റി എജന്സി നടത്തുന്ന വിവര ചോര്ത്തലിനെക്കുറിച്ച് 2013 ലാണ് എഡ്വോഡ് സ്നോഡന് വെളിപ്പെടുത്തിയത്. മൈക്രോസോഫ്റ്റ്, ഗൂഗിള് യാഹൂ ഫേസ്ബുക്ക്, ആപ്പിള് ഉള്പ്പടെ 9 ഇന്റര്നെറ്റ് കമ്പനികളുടെ സര്വറുകളും ഫോണ് സംഭഷണങ്ങളും അമേരിക്ക ചോര്ത്തുന്നു എന്നായിരുന്നു എഡ്വോഡ് സ്നോഡന്റെ വെളിപ്പെടുത്തല്. നിയമ നടപടിക്ക് വിധേയനാക്കാന് എഡ്വോഡ് സ്നോഡനെ തിരികെ കൊണ്ടുവരാനായി അമേരിക്ക ശ്രമിക്കുന്നതിനിടെയാണ് റഷ്യ പൗരത്വം നല്കിയിരിക്കുന്നത്.
ഇന്ത്യയില് വിവിധ സേവനങ്ങള് ആധാറുമായി ബന്ധിപ്പിക്കുന്നതിനെതിരെ എഡ്വേര്ഡ് സ്നോഡന് രംഗത്തെത്തിയിരുന്നു. വിവിധ സേവനങ്ങള് ലഭ്യമാക്കുന്നതിന് ആധാര് നിര്ബന്ധമാക്കുന്നതിനെ ക്രിമിനല് നടപടിയായി കണക്കാക്കി നേരിടണമെന്നും എഡ്വേര്ഡ് സ്നോഡന് അഭിപ്രായപ്പെട്ടിരുന്നു. ഇത് ഏറെ ചര്ച്ചയായതാണ്.