ന്യൂയോർക്ക് സിറ്റി ഇപ്പോൾ 17.5 മില്യൺ ഡോളർ, അതായത് ഏകദേശം 145 കോടി ഇന്ത്യൻ രൂപ രണ്ട് മുസ്ലിം യുവതികൾക്കായി നൽകുവാൻ തീരുമാനിച്ചിരിക്കുകയാണ്. നഷ്ടപരിഹാരം എന്ന നിലയിലാണ് ഈ തുക ഈ യുവതികൾക്ക് കൈമാറുന്നത്. അമേരിക്കൻ പൗരത്വമുള്ള രണ്ട് മുസ്ലിം യുവതികൾ ആണ് ഇവർ. ഇവരുടെ അവകാശങ്ങളെ പോലീസ് ലംഘിച്ചു എന്ന് കണ്ടെത്തിയതിനെ തുടർന്ന് ആണ് ന്യൂയോർക്ക് സിറ്റി ഇപ്പോൾ ഇത്തരത്തിൽ ഒരു തീരുമാനം എടുത്തിരിക്കുന്നത്.
തങ്ങളുടെ അവകാശങ്ങൾ ലംഘിക്കപ്പെട്ടു എന്ന് ചൂണ്ടിക്കാണിച്ചുകൊണ്ട് യുവതികൾ ആണ് കോടതിയിൽ ഹർജി സമർപ്പിച്ചത്. അറസ്റ്റ് ചെയ്യപ്പെടുന്നതിനു മുൻപ് രണ്ടുപേരുടെയും ഫോട്ടോഗ്രാഫ് എടുക്കുവാൻ വേണ്ടി അവരെ അവരുടെ ഹിജാബുകൾ മാറ്റുവാൻ നിർബന്ധിച്ചു എന്നതാണ് പരാതിയിൽ പറയുന്നത്. ഇത് അവരുടെ അവകാശത്തിന്റെ ലംഘനമാണ് എന്നാണ് അവർ ചൂണ്ടിക്കാണിക്കുന്നത്. മാൻഹേട്ടൻ ഫെഡറൽ കോടതിയിലാണ് കേസ് ഫയൽ ചെയ്തത്. പിന്നീട് കേസ് ഒത്തുതീർപ്പിൽ എത്തുകയായിരുന്നു. ഇതിനൊടുവിൽ ആണ് നഷ്ടപരിഹാരം നൽകുവാൻ ന്യൂയോർക്ക് സിറ്റി തയ്യാറായിരിക്കുന്നത്. യുഎസ് ഡിസ്ട്രിക്ട് ജഡ്ജ് അനാലിസ ടോറസിൻ്റെ അന്തിമ അനുമതിക്ക് വേണ്ടി കാത്തിരിക്കുകയാണ് ഇപ്പോൾ.
ലീഗൽ ഫീസുകളും മറ്റ് ചെലവുകളും കഴിച്ച് ഏകദേശം 13 മില്യൺ ഡോളർ ആയിരിക്കും ഇരുവർക്കും ആയി ലഭിക്കുന്നത്. ഏകദേശം 108 കോടി ഇന്ത്യൻ രൂപ വരും ഇത്. ഓരോരുത്തർക്കും ഏകദേശം 7000 മില്യൺ ഡോളർ മുതൽ 13,000 മില്യൺ ഡോളറിന് ഇടയിൽ ആയിരിക്കും ലഭിക്കുക.
2018 വർഷത്തിലാണ് കേസ് ഫയൽ ചെയ്തത്. പോലീസിന്റെ ഭാഗത്തുനിന്നും ഇത്തരത്തിൽ ഒരു പ്രതികരണം ഉണ്ടായത് കാരണം താങ്കൾക്ക് വലിയ രീതിയിലുള്ള അപമാനവും ട്രോമയും ഉണ്ടായി എന്നാണ് ഇവർ പറയുന്നത്. ഹിജാബ് തങ്ങളുടെ മതത്തിൻറെ ഭാഗമാണ് എന്നും ഇവർ ചൂണ്ടിക്കാണിക്കുന്നു. ഹിജാബ് ഊരുവാൻ പറഞ്ഞപ്പോൾ ഞാൻ നഗ്നയായതു പോലെയുള്ള ഫീലാണ് എനിക്കുണ്ടായത് എന്നാണ് ഹർജി സമർപ്പിച്ച ഒരു യുവതി പറയുന്നത്.
