ബില്ക്കീസ് ബാനു കൂട്ടബലാത്സംഗക്കേസിലെ പ്രതികളെ വിട്ടയച്ചതിനെതിരെ ശിവസേന രംഗത്ത്. പാര്ട്ടി മുഖപത്രമായ സാമ്നയിലെ റോഖ്തോക്ക് കോളത്തിലാണ് പ്രധാനമന്ത്രിയും കേന്ദ്ര ആഭ്യന്തര മന്ത്രി അമിത് ഷായും പുലര്ത്തുന്ന മൗനത്തിനെതിരെ ശിവസേന രൂക്ഷവിമര്ശനമുന്നയിച്ചത്.
ബലാത്സംഗക്കേസിലെ പ്രതികളെ ആദരിക്കുന്നതാണോ ഹിന്ദു സംസ്കാരമെന്ന് ലേഖനം ചോദിക്കുന്നു. ബില്ക്കീസ് ബാനു മുസ്ലീം ആയതുകൊണ്ട് അവര്ക്കെതിരെ നടന്ന കുറ്റകൃത്യം പൊറുക്കാനാകുന്നതല്ല. പ്രധാനമന്ത്രി പ്രസംഗിക്കുന്നതൊന്നും നടപ്പാക്കുന്നത് മറ്റൊന്നുമാണെന്ന് എന്സിപി അധ്യക്ഷന് ശരത് പവാര് നേരത്തെ ആരോപിച്ചിരുന്നു. അത് ശരിവയ്ക്കുന്നതാണ് ബില്ക്കീസ് ബാനു കേസില് പ്രധാനമന്ത്രിയുടെ സമീപനമെന്നും ലേഖനത്തില് കുറ്റപ്പെടുത്തുന്നു.
സ്വാതന്ത്ര്യദിനത്തില് സ്ത്രീ ശാക്തീകരണത്തെക്കുറിച്ച് പ്രധാനമന്ത്രി പ്രസംഗിക്കുമ്പോള് തന്നെയാണ് ബലാത്സംഗക്കേസിലെ പ്രതികളെ വെറുതെവിട്ടതെന്ന കാര്യം യഥാര്ത്ഥത്തില് ആശ്ചചര്യപ്പെടുത്തുന്നതാണ്. എന്തുകൊണ്ടാണ് പ്രധാനമന്ത്രിയും ആഭ്യന്തരമന്ത്രിയും വിഷയത്തില് മൗനം പാലിക്കുന്നത്? ഇത് ഹിന്ദു-മുസ്ലീം പ്രശ്നം മാത്രമല്ലെന്നും ഹിന്ദുത്വത്തിന്റെ ആത്മാവിന്റെയും നമ്മുടെ സംസ്കാരത്തിന്റെയും അന്തസിന്റെയും പ്രശ്നമാണെന്നും ലേഖനം പറയുന്നു.
മാറ്റിയ കൂട്ടിച്ചേര്ത്തു.