പ്രേക്ഷകരുടെ താരദമ്പതികള് ശ്രീനിഷിനും പേര്ളി മാണിക്ക് പെണ്കുഞ്ഞ് പിറന്നതാണ് ഇപ്പോള് സോഷ്യല് മീഡിയ ആഘോഷിക്കുന്നത്. ഇതിനോടകം തന്നെ കുഞ്ഞിന്റെ ഒന്ന് രണ്ട് ചിത്രങ്ങള് താരങ്ങള് പങ്കുവെച്ചിരുന്നു. ഏറ്റവും ഒടുവിലായി ശ്രീനിഷ് കുഞ്ഞിനെ ലാളിക്കുന്ന ചിത്രമാണ് പുറത്ത് വന്നത്. എന്റെ കുഞ്ഞുരാജകുമാരിയ്ക്ക് ഒപ്പമുളള പ്ലേ ടൈം എന്ന അടിക്കുറിപ്പോടെയാണ് ശ്രീനിഷ് വീഡിയോ പോസ്റ്റ് ചെയ്തത്.
വീഡിയോ വൈറലാതോടെ കമന്റുമായി ആരാധകരും എത്തി. ഇപ്പോള് നടി ഷഫ്നയും വീഡിയോയ്ക്ക് താഴെ കമന്റിട്ടിരിക്കുകയാണ്. തെലുങ്കിലെ മിനി സ്ക്രീന് പരമ്പരയില് ഷഫ്നയുടെ നായകന് ആയെത്തുന്നത് ശ്രീനിഷ് ആണ്. താരത്തിന്റെ കമന്റ് വൈറലായതോടെ ഇത് വാര്ത്തകളിലും ഇടംപിടിച്ചു.
അതേസമയം ശ്രീനിഷ് തന്നെയാണ് ആദ്യം കുഞ്ഞ് ജനിച്ച വിവരം പുറത്തുവിട്ടത്.
താരം രസകരമായ കുറിപ്പിലൂടെയാണ് ഈ സന്തോഷവാര്ത്ത ആരാധകരെ അറിയിച്ചത്. ”വളരെ സന്തോഷകരമായ ഒരു കാര്യം അറിയിക്കുന്നു. ദൈവം അയച്ച സമ്മാനം. ഒരു പെണ് കുഞ്ഞിനെ ഞങ്ങള്ക്ക് ലഭിച്ചിരിക്കുന്നു. എന്റെ ബിഗ് ബേബിയും സ്മോള് ബേബിയും അടിപൊളി ആയിരിക്കുന്നു. ഞങ്ങള്ക്കു വേണ്ടി പ്രാര്ഥിക്കുകയും ആശിര്വദിക്കുകയും ചെയ്ത എല്ലാവരോടും നന്ദി പറയുന്നു”-എന്നാണ് ശ്രീനിഷ് ഫേസ്ബുക്കില് കുറിച്ചിരുന്നത്.
2019ല് ആണ് ഇരുവരും വിവാഹിതരായത്. ബിഗ് ബോസില് നിന്നും പരിചയപ്പെട്ട ഇവര് പിന്നീട് പ്രണയത്തില് ആവുകയായിരുന്നു. സോഷ്യല് മീഡിയ ആഘോഷിച്ച വിവാഹം ആയിരുന്നു ഇവരുടെത്. ശേഷം ഒന്നാം വിവാഹ വാര്ഷികത്തിന് പിന്നാലെയാണ് താന് അമ്മയാകാന് പോകുന്ന വിവരവും പേളി പങ്കുവെച്ചത്. തന്റേ ഇന്സ്റ്റഗ്രാം പേജിലൂടെയായിരുന്നു സന്തോഷ വാര്ത്ത പുറത്തു വിട്ടത്. പിന്നീട് ഗര്ഭകാല വിശേഷം പങ്കുവെച്ചും മറ്റേര്ണിറ്റി ഫോട്ടോ ഷൂട്ട്മായി പേളി സോഷ്യല് മീഡിയയില് സജീവമായിരുന്നു താരം.