ചൊവ്വാഴ്ച രാത്രി മരിച്ച ബോളിവുഡ് ഗായകന് കെ.കെയുടെ മരണത്തില് കേസെടുത്ത് പൊലീസ്. അസ്വാഭാവിക മരണത്തിന് കൊല്ക്കത്ത ന്യൂ മാര്ക്കറ്റ് പൊലീസാണ് കേസെടുത്തത്. നഗരത്തിലെ ഒരു സംഗീത പരിപാടിക്ക് ശേഷം മടങ്ങിയെത്തിയ കെ.കെ, ഗ്രാന്ഡ് ഹോട്ടലില് കുഴഞ്ഞുവീഴുകയായിരുന്നു.
കെ.കെയുടെ തലയിലും മുഖത്തും മുറിവേറ്റ പാടുകളുണ്ട്. മരണത്തിന്റെ കാരണമറിയാന് കെ.കെയുടെ മൃതദേഹം പോസ്റ്റ്മോര്ട്ടം ചെയ്യും. കൊല്ക്കത്തയിലെ പരിപാടിയുടെ സംഘാടകരുടേയും ഹോട്ടല് ജീവനക്കാരുടേയും മൊഴി പൊലീസ് ഇന്ന് രേഖപ്പെടുത്തും.
ബോളിവുഡ് ഹിറ്റുകളിലൂടെ ആസ്വാദകരുടെ മനം കവര്ന്ന ഗായകനാണ് കെ.കെ എന്ന കൃഷ്ണകുമാര് കുന്നത്ത്. കൊല്ക്കത്തയില് സംഗീതപരിപാടി അവതരിപ്പിക്കാനെത്തിയ അദ്ദേഹം താമസിച്ചിരുന്ന ഹോട്ടലിന്റെ ഗോവണിപ്പടിയില് നിന്ന് താഴേക്ക് വീഴുകയായിരുന്നു. ഉടന് തന്നെ അദ്ദേഹത്തെ കൊല്ക്കത്തയിലെ സിഎംആര്ഐ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.