യുദ്ധം നടക്കുന്ന യുക്രൈനില് ഇന്ത്യന് വിദ്യാര്ത്ഥി കൊല്ലപ്പെട്ടതായി റിപ്പോര്ട്ട്. കര്ണാടക സ്വദേശിയും ഖര്ഖീവിലെ മെഡിക്കല് യൂണിവേഴ്സിറ്റിയില് നാലാം വര്ഷ വിദ്യാര്ത്ഥിയുമായ വനീന് ജ്ഞാനഗൗഡറാണ് കൊല്ലപ്പെട്ടത്. ഖര്ഖീവില് കുടുങ്ങിയ മലയാളി വിദ്യാര്ത്ഥികളടക്കം ഇക്കാര്യം സ്ഥിരീകരിക്കുന്നുണ്ട്.
അവശ്യസാധനങ്ങള് വാങ്ങാനായി സൂപ്പര് മാര്ക്കറ്റില് നവീന് ക്യൂ നില്ക്കുമ്പോള് ആണ് ഷെല്ലാക്രമണം നടന്നതെന്നാണ് വിവരം. ഈ സമയത്ത് നഗരത്തില് ഗവര്ണര് ഹൗസ് ലക്ഷ്യമിട്ട് കൊണ്ട് റഷ്യ ഷെല്ലാക്രമണം നടത്തുകയായിരുന്നു.
ഇന്ത്യന് വിദ്യാര്ത്ഥി യുക്രൈനിലെ ഷെല്ലാക്രമണത്തില് കൊല്ലപ്പെട്ടു എന്ന വാര്ത്ത ഇന്ത്യന് വിദേശകാര്യമന്ത്രാലയം സ്ഥിരീകരിച്ചിട്ടുണ്ട്. വിദേശകാര്യവക്താവാണ് ട്വിറ്ററിലൂടെ ഇക്കാര്യം സ്ഥിരീകരിച്ചത്. കൊല്ലപ്പെട്ട നവീന്റെ മാതാപിതാക്കള് ചെന്നൈയിലാണുള്ളത് എന്നാണ് വിവരം. ഇവരുമായി വിദേശകാര്യമന്ത്രാലയം ബന്ധപ്പെടുന്നുണ്ട്.