ചില മുടിയിഴകൾ കാണുമ്പോൾ തന്നെ നമ്മൾ എല്ലാവരും നോക്കി നിൽക്കും.അങ്ങനെയൊരു നീളൻ മിടിയുള്ള കൗമാരക്കാരനാണ് സോഷ്യൽ മീഡിയയിൽ എല്ലാം ഇപ്പോൾ താരം.പഞ്ചാബിൽ നിന്നുമുള്ള സിദ്ധാക്ദീപ് സിങ് ചാഹൽ എന്ന പതിനഞ്ചുകാരനാണ് സ്ത്രീകളെ തോൽപ്പിക്കുന്ന തരത്തിൽ നീളത്തിലുള്ള മുടിയുടെ ഉടമ. തന്റെ മുടിയുടെ കരുത്തിൽ ഒരു ലോക റെക്കോർഡ് കൂടി സ്വന്തമാക്കി സിദ്ധാക്ദീപ്. ഏറ്റവും നീളം കൂടിയ മുടിയുള്ള കൗമാരക്കാരൻ എന്ന പേരാണ് ഗിന്നസ് ലോക റെക്കോർഡ് ബുക്കിൽ അവൻ എഴുതി ചേർത്തത്. ഒരിക്കൽ പോലും മുറിച്ചിട്ടില്ലാത്ത ആ മുടിയിഴകൾക്കു 4 അടി 9.5 ഇഞ്ച് നീളമാണ് ഉള്ളത്.
വളരെ കരുതലോടെ ആണ്ഈ പതിനഞ്ചുകാരൻ തന്റെ മുടി സംരക്ഷിക്കുന്നത്. ആഴ്ചയിൽ രണ്ടുതവണ മാത്രമേ മുടി കഴുകാറുള്ളൂ. മുടി കഴുകി, അഴുക്കുകൾ നീക്കം ചെയ്തു ഉണക്കിയെടുക്കുക എന്നത് ഒരല്പം ശ്രമകരമായ കാര്യമായതു കൊണ്ടുതന്നെ ഏറ്റവും കുറഞ്ഞത് ഒരു മണിക്കൂർ എങ്കിലും അതിനു വേണ്ടി മാത്രമായി ചെലവഴിക്കേണ്ടിവരും. അമ്മയുടെ സഹായമില്ലെങ്കിൽ ഒരു ദിവസത്തിലെ മുഴുവൻ സമയവും മുടി പരിപാലിക്കുന്നതനു വേണ്ടി വരുമെന്നാണ് സിദ്ധാക്ദീപ് പറയുന്നത്.
#WATCH | Uttar Pradesh: 15-year-old Sidakdeep Singh Chahal from Greater Noida sets a Guinness World Record for longest hair on a living male teenager.
He says, “I follow Sikhism and we are forbidden from cutting our hair…I had to take a lot of care of the hair to get it to… pic.twitter.com/WpX2zsixeh
— ANI (@ANI) September 20, 2023
സിഖ് മത വിശ്വാസി ആയതുകൊണ്ട് മുടി കെട്ടിവെച്ചതിനു ശേഷം ടർബൻ ഉപയോഗിച്ച് പൊതിഞ്ഞാണ് സൂക്ഷിക്കുന്നത്. സിദ്ധാക്ദീപ് സിങിന്റെ ബന്ധുക്കൾക്കും സുഹൃത്തുക്കൾക്കുമൊന്നും നീളത്തിലുള്ള മുടിയില്ല. തന്റെ മുടിയുടെ നീളം കുടുംബത്തിലുള്ളവരെ അതിശയിപ്പിക്കുന്നുണ്ടെന്നു ഈ പതിനഞ്ചുകാരൻ പറയുന്നു. മുടിയുടെ പേരിൽ തനിക്കൊരു ലോക റെക്കോർഡ് സ്വന്തമാക്കാൻ സാധിച്ചു എന്നത് ഇപ്പോഴും കുടുംബാംഗങ്ങൾക്ക് വിശ്വസിക്കാൻ സാധിച്ചിട്ടില്ലെന്നും അതിനു വേണ്ടി തെളിവുകൾ വരെ ഹാജരാക്കേണ്ടി വന്നെന്നും അവൻ വിശദീകരിക്കുന്നു. ബാല്യത്തിൽ മുടി കഴുകി ഉണക്കുന്നത് കാണുമ്പോൾ സുഹൃത്തുക്കൾ കളിയാക്കിയിട്ടുണ്ട്. ആ പരിഹാസങ്ങൾ താൻ ഇഷ്ടപ്പെട്ടിരുന്നില്ല വലുതാകുമ്പോൾ ഈ മുടി മുറിച്ചു കളയുമെന്നും എന്നാലിപ്പോൾ ഇത് തന്റെ വ്യക്തിത്വത്തിന്റെ ഭാഗമാണെന്നും സിദ്ധാക്ദീപ് പറയുന്നുണ്ട്.