പണം തട്ടിയെന്ന് ആരോപിച്ച് നടന് ബാബുരാജിനെതിരെ പരാതി നല്കി ഹോട്ടല് വ്യവസായി അരുണ്. മൂന്നാറില് റവന്യൂ നടപടി നേരിടുന്ന റിസോര്ട്ട് പാട്ടത്തിന് നല്കി നടന് ബാബുരാജ് തന്നെ കബളിപ്പിച്ചുവെന്ന അരുണ് പറഞ്ഞു. സംഭവത്തില് നടനെതിരെ അടിമാലി പോലീസ് കേസ് രജിസ്റ്റര് ചെയ്തു. 40 ലക്ഷം രൂപ തട്ടിയെന്ന് ഹോട്ടല് വ്യവസായി അരുണ് നല്കിയ പരാതിയില് കോടതി നിര്ദേശത്തെ തുടര്ന്നാണ് കേസെടുത്തിരിക്കുന്നത്
പണം തിരികെ ചോദിച്ചപ്പോള് ഭീഷണിപ്പെടുത്തിയെന്നും പരാതിയില് പറയുന്നു. കോതമംഗലം തലക്കോട് സ്വദേശി അരുണ് ആണ് പരാതിക്കാരന്. നടനില് നിന്ന് നിന്ന് അരുണ് മൂന്നാറിലെ റിസോര്ട്ട് പാട്ടത്തിനെടുത്തിരുന്നു. എന്നാല് റവന്യൂ വകുപ്പിന്റെ നടപടി നേരിടുന്ന റിസോര്ട്ടാണ് പാട്ടത്തിന് ലഭിച്ചതെന്ന് അരുണ് പിന്നീടാണ് അറിഞ്ഞത്.
ബാബുരാജിന്റെ സ്വാധീനത്താല് ആദ്യം കേസെടുക്കാതിരുന്ന പൊലീസ് പിന്നീട് കോടതി ഉത്തരവുമായി വന്നപ്പോഴാണ് നടപടിയെടുത്തത്. എന്നാല് അറസ്റ്റ് ഉണ്ടായില്ല. രണ്ട് തവണ ഹാജരാകാന് ആവശ്യപ്പെട്ടപ്പോഴും നടന് വന്നില്ലെന്നാണ് അടിമാലി പൊലീസിന്റെ വിശദീകരണം. അതേസമയം മൂന്ന് ലക്ഷം രൂപ വച്ചുള്ള 11 മാസത്തെ വാടകയും ജോലിക്കാരുടെ ശമ്പളവും കണക്കാക്കുമ്പോള് നാല്പത് ലക്ഷം തിരിച്ചുകൊടുക്കേണ്ടതില്ലെന്നും എഫ്ഐആര് റദ്ദാക്കണമെന്നാവശ്യപ്പെട്ട് ഹൈക്കോടതിയെ സമീപിച്ചിട്ടുണ്ടെന്നുമാണ് ബാബുരാജിന്റെ വിശദീകരണം.