നിങ്ങളെ നാലുപേരെയും കാണുമ്പോൾ എനിക്ക് കൊതിയാവുന്നു – അഹാനയുടെ ചിത്രത്തിന് താഴെ കല്യാണി പ്രിയദർശൻ പറഞ്ഞത് കണ്ടോ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് കൃഷ്ണകുമാർ. കഴിഞ്ഞ കുറേ വർഷമായി മലയാള സിനിമയിലെ നിറസാന്നിധ്യമാണ് ഇദ്ദേഹം. നാല് പെൺമക്കളാണ് ഇദ്ദേഹത്തിന് ഉള്ളത്. അതിൽ മൂത്ത മകളാണ് അഹാന കൃഷ്ണകുമാർ. ഇഷാനി കൃഷ്ണ, ദിയ കൃഷ്ണ, ഹൻസിക കൃഷ്ണ എന്നിവരാണ് മറ്റു മൂന്നു മക്കൾ.

സമൂഹമാധ്യമങ്ങളിൽ വളരെ സജീവമാണ് എല്ലാവരും തന്നെ. ഇവരുടെ ജീവിതത്തിലെ ചെറുതും വലുതുമായ എല്ലാ വിശേഷങ്ങളും ആഘോഷങ്ങളും ഇവർ സമൂഹ മാധ്യമങ്ങൾ വഴി ആരാധകരെ അറിയിക്കാറുണ്ട്. ഇവർ പങ്കുവയ്ക്കുന്ന ചിത്രങ്ങളും വീഡിയോകളും എല്ലാം നിമിഷങ്ങൾക്കകം ആണ് സമൂഹമാധ്യമങ്ങളിൽ തരംഗം സൃഷ്ടിക്കാൻ ഉള്ളത്. ഇവരുടെ വ്ലോഗിങ് വീഡിയോസ് എല്ലാം തന്നെ യൂട്യൂബിൽ നമ്പർ വൺ ആയി ട്രെൻഡിങ് നിൽക്കാറുണ്ട്. ഇപ്പോൾ അഹാന തൻറെ ഔദ്യോഗിക ഇൻസ്റ്റഗ്രാം അക്കൗണ്ടിൽ പങ്കുവെച്ച ഒരു ചിത്രമാണ് ചർച്ചാവിഷയമായി മാറിയിരിക്കുന്നത്.

നാലു സഹോദരിമാരും ഒരുമിച്ച് നിൽക്കുന്ന ഒരു ചിത്രമാണ് അഹാന കൃഷ്ണകുമാർ ഇൻസ്റ്റഗ്രാമിൽ പങ്കുവച്ചത്. ഇതിനു താഴെ ആണ് കല്യാണി പ്രിയദർശൻ ഒരു കമൻറ് ചെയ്തിരിക്കുന്നത്. “നിങ്ങളെ കാണുമ്പോൾ ആണ് ഞാൻ ഒരു സഹോദരിയെ കൊതിച്ചു പോകുന്നത്” – ഇതായിരുന്നു കല്യാണി പ്രിയദർശൻ അഹാനയുടെ ചിത്രത്തിനു താഴെ നടത്തിയ കമൻറ്. നിമിഷങ്ങൾക്കകം തന്നെ കമൻറ് വൈറൽ ആവുകയും ചെയ്തു.

വരനെ ആവശ്യമുണ്ട് എന്ന ചിത്രത്തിലൂടെ ആണ് കല്യാണി മലയാള സിനിമയിൽ അരങ്ങേറുന്നത്. ദുൽഖർ സൽമാൻ ആയിരുന്നു ഈ ചിത്രത്തിലെ കല്യാണിയുടെ ഹീറോ. മരയ്ക്കാർ – അറബിക്കടലിൻ്റെ സിംഹം ആണ് കല്യാണി പ്രിയദർശൻ അഭിനയിക്കുന്ന അടുത്ത ചിത്രം. പ്രിയദർശൻ സംവിധാനം ചെയ്യുന്ന ഈ ചിത്രത്തിൽ പ്രണവ് മോഹൻലാൽ ആണ് കല്യാണിയുടെ നായകനായെത്തുന്നത്. ചിത്രം മാർച്ച് 26ന് തിയറ്ററുകളിലെത്തും.