ഇത് ഉമ്മയും മോനും അല്ല, ജീവിതപങ്കാളികളാണ്, സമൂഹത്തിന്റെ കെട്ടുപാടുകൾ പൊട്ടിച്ചെറിഞ്ഞ് പ്രണയം കണ്ടെത്തിയ ഷെഫിക്കും ഷെമിയും, ഇവരുടെ പ്രണയകഥ ഇങ്ങനെ

സമൂഹമാധ്യമങ്ങളിൽ ഏറെ ആരാധകരുള്ള ഫാമിലിയാണ് ടി ടി ഫാമിലി. വലിയ രീതിയിലുള്ള സൈബർ ആക്രമണങ്ങൾ ഇവർ നേരിടാറുണ്ട്. സദാചാരവാദികളുടെ ഭാഗത്തുനിന്നുമാണ് ഇവർ സൈബർ ആക്രമണം നേരിടാറുള്ളത്. ഇപ്പോൾ ഇവർക്കുള്ള ചുട്ട മറുപടിയുമായി എത്തിയിരിക്കുകയാണ് ഇരുവരും. ഇൻസ്റ്റാഗ്രാം വീഡിയോകളിലൂടെ ആണ് ഇവർ ശ്രദ്ധിക്കപ്പെടുന്നത്. ഷെമി, ഷെഫി എന്നിങ്ങനെയാണ് ഇവരുടെ പേരുകൾ. സമൂഹം നിർമ്മിച്ചു നൽകിയ പതിവ് രീതികളെ മാറ്റിയെഴുതി കൊണ്ടാണ് ഇരുവരും സന്തോഷത്തോടെ ജീവിക്കുന്നത്.

ഷെമിയെ വിവാഹം കഴിക്കുന്ന സമയത്ത് ഷഫി നല്ല ചെറുപ്പം ആയിരുന്നു. വീട്ടുകാർ ഇവരെ പിന്തിരിപ്പിക്കാൻ ശ്രമിച്ചു. പക്ഷേ ഇതുവരെയും തമ്മിൽ പിരിക്കാൻ സാധിച്ചില്ല. നിരവധി ആളുകൾ ആണ് നിങ്ങൾ ഉമ്മയും മോനും ആണോ എന്ന് ചോദിച്ചുകൊണ്ട് രംഗത്തെത്തുന്നത്. എന്നാൽ ഇതിൽ പലതും വിദ്വേഷ കമന്റുകൾ അല്ല. ഇവരുടെ അപ്പിയറൻസ് കാണുമ്പോൾ സാധാരണ പ്രേക്ഷകർക്ക് പെട്ടെന്ന് ഉണ്ടാകുന്ന സംശയം മാത്രമാണ് അത്. ഇതിനെല്ലാം ഉള്ള മറുപടിയുമായി ഇവർ ഇപ്പോൾ രംഗത്ത് തീരുകയാണ്.

“ആദ്യമൊക്കെ ഇത്തരം കമൻറുകൾ കാണുമ്പോൾ വലിയ വിഷമം തോന്നുമായിരുന്നു. ഉമ്മയും മോനും ആണോ നിങ്ങൾ, ഈ തള്ളക്ക് വേറെ പണിയൊന്നുമില്ലേ എന്നൊക്കെയായിരുന്നു കമന്റുകൾ വന്നുകൊണ്ടിരുന്നത്. ഞാൻ അതൊക്കെ കണ്ടു കരയുമായിരുന്നു. അപ്പോൾ ഷെഫി എന്നെ നോക്കിയിട്ട് നിനക്ക് വേറെ പണിയൊന്നുമില്ലേ എന്ന് ചോദിക്കും. ഇപ്പോൾ ഞാൻ കമൻറുകൾ നോക്കാറില്ല. ഷെഫി ഞാനുമായി പിണങ്ങാറില്ല. എന്ത് കാര്യമുണ്ടെങ്കിലും തുറന്നു സംസാരിക്കും. എന്തു പ്രശ്നം ഉണ്ടായാലും രണ്ടു മണിക്കൂർ കഴിഞ്ഞാൽ വീണ്ടും വീണ്ടും തുടങ്ങും. ഒരിക്കലും അവഗണിക്കാറില്ല. ഒറ്റപ്പെടുന്നവരെ ചേർത്തുപിടിക്കുക എന്നു പറയാറില്ലേ, അതുപോലെ” – ഷെമി പറയുന്നു.

ഒരിക്കൽ ഡിവോഴ്സ് ആയതിനുശേഷം ആണ് ഷെമി ഈ വിവാഹം ചെയ്യുന്നത്. ഡിവോഴ്സ് ആയ സമയത്ത് വേറെ വിവാഹം കഴിക്കുന്നില്ലേ? കുട്ടികളെ എന്തുചെയ്യും? ചെലവിന് ഒക്കെ എങ്ങനെയാണ് എന്നൊക്കെയായിരുന്നു ചോദ്യങ്ങൾ വന്നുകൊണ്ടിരുന്നത്. ഇതൊന്നും ഇഷ്ടമല്ല എന്തുകൊണ്ട് കഴിയുന്നതും പുറത്തു പോകില്ലായിരുന്നു എന്നാണ് പറയുന്നത്. നല്ല വസ്ത്രം ധരിച്ചു പുറത്തു പോയാൽ ഇതൊക്കെ എങ്ങനെ വാങ്ങി എന്നൊക്കെ ആയിരിക്കും ആളുകൾ ചോദിക്കുക എന്നും അതിനുശേഷം പിന്നീട് പർദ്ദയിൽ ഒതുങ്ങി 14 വർഷം ജീവിച്ചു എന്നുമാണ് ഷെമി പറയുന്നത്.