മിസ് ഇന്ത്യ കിരീടം ചൂടി കര്ണാടക സ്വദേശിനി സിനി ഷെട്ടി. ഞായറാഴ്ച വൈകിട്ട് മുംബൈയിലെ ജിയോ കണ്വെന്ഷന് സെന്ററിലാണ് ഗ്രാന്ഡ് ഫിനാലെ നടന്നത്. 2020 ല് മിസ് ഇന്ത്യ ആയ മാനസ വരാണസി സിനിക്ക് കിരീടമണിയിച്ചു.
രാജസ്ഥാനിലെ റുബാല് ശെഖാവത്ത് ഫസ്റ്റ് റണ്ണറപ്പും ഉത്തര്പ്രദേശിലെ ഷിനാറ്റ ചൗഹാന് സെക്കന്ഡ് റണ്ണറപ്പും ആയി. 21കാരിയായ സിനി ഇപ്പോള് ചാര്ട്ടേഡ് ഫിനാന്ഷ്യല് അനലിസ്റ്റ് (സിഎഫ്എ) വിദ്യാര്ത്ഥിനിയാണ്. 71ാമത് ലോകസുന്ദരി മത്സരത്തില് സിനി ഇന്ത്യയെ പ്രതിനിധീകരിക്കും. 2022ലെ മിസ് ഇന്ത്യ മത്സരത്തിന്റെ ഫൈനല് നടി കൃതി സനോണിന്റെയും ലോറന് ഗോട്ലീബിന്റെയും തകര്പ്പന് പ്രകടനങ്ങള് കൊണ്ട് സമ്പന്നമായിരുന്നു. പ്രശസ്ത ടെലിവിഷന് അവതാരകനും മോഡലും പാട്ടുകാരനുമായ മനീഷ് പോളായിരുന്നു അവതാരകന്.
നേഹ ധൂപിയ, ഡിനോ മോറിയ, മലൈക അറോറ തുടങ്ങിയ താരങ്ങളാണ് ജൂറിയംഗങ്ങള്. ക്രിക്കറ്റ് താരം മിതാലി രാജും പാനലില് ഉണ്ടായിരുന്നു. ഡിസൈനര്മാരായ രാഹുല് ഖന്ന, രോഹിത് ഗാന്ധി, കൊറിയോഗ്രാഫര് ഷിയാമാക് ദാവര് എന്നിവരും ജൂറിയുടെ ഭാഗമാണ്.