എന്ഐഎയ്ക്കെതിരെ രൂക്ഷ വിമര്ശനവുമായി സുപ്രിംകോടതി രംഗത്ത്. പത്രം വായിക്കുന്നവര് പോലും എന്ഐഎയ്ക്ക് പ്രശനക്കാരാണോയെന്ന് ചീഫ് ജസ്റ്റിസ് എന്.വി രമണ ചോദിച്ചു. ജാര്ഖണ്ഡിലെ യുഎപിഎ കേസുമായി ബന്ധപ്പെട്ടാണ് കോടതിയുടെ വാക്കാല് പരാമര്ശം.
കേസില് സഞ്ജയ് ജെയിന് എന്നയാള്ക്ക് ജാര്ഖണ്ഡ് ഹൈക്കോടതി ജാമ്യം നല്കിയിരുന്നു. ഇതിനെതിരെ എന്ഐഎ സുപ്രിംകോടതിയെ സമീപിക്കുകയായിരുന്നു. എന്ഐഎ നല്കിയ ഹര്ജി ചീഫ് ജസ്റ്റിസ് രമണ അധ്യക്ഷനായ ബെഞ്ച് തള്ളി.
2018 ലാണ് മാവോയിസ്റ്റ് സംഘടനകളുമായി ബന്ധമുണ്ടെന്ന് ആരോപിച്ച് എന്ഐഎ ജെയ്നിനെ കസ്റ്റഡിയില് എടുത്തത്. ജാര്ഖണ്ഡിലെ മാവോയിസറ്റ് വിഭാഗമായ തൃത്യ പ്രസ്തുതി കമ്മിറ്റി ഭീഷണിപ്പെടുത്തി പണം പിരിപ്പിക്കുന്നതുമായി ബന്ധമുണ്ടെന്ന് ആരോപിച്ചായിരുന്നു കേസ്. ജെയ്നിന് എതിരെ യുഎപിഎ പ്രകാരമായിരുന്നു കേസ് രജിസ്റ്റര് ചെയ്തത്. എന്നാല് നിരോധിത മാവോയിസ്റ്റ് സംഘടനയുടെ നേതാവിനെ സന്ദര്ശിക്കുകയും പണമോ, ലെവിയോ നല്കുകയും ചെയ്തുവെന്ന കാരണത്താല് യുഎപിഎ നിയമം നിലനില്ക്കുമോ എന്ന കാര്യത്തില് സംശയ പ്രകടിപ്പിച്ച ജാര്ഖണ്ഡ് ഹൈക്കോടതി 2021 ല് ജെയ്നിന് ജാമ്യം അനുവദിക്കുകയായിരുന്നു.