മകളുടെ മരണം നല്കിയ വേദനയും പേറിയാണ് രഞ്ജി ട്രോഫിയില് ബറോഡയ്ക്കായി ബാറ്റര് വിഷ്ണു സോളങ്കി കളത്തിലെത്തിയത്. ചണ്ഡീഗഡായിരുന്നു എതിരാളി. കളം നിറഞ്ഞു കളിച്ച സോളങ്കി ടീമിനായി സെഞ്ച്വറി നേടി. നെഞ്ചു നീറുന്ന വേദനയിലും മികച്ച പ്രകടനം കാഴ്ചവച്ച സോളങ്കിയെ അഭിനന്ദിച്ച് നിരവധി പേരാണ് രംഗത്തെത്തിയത്.
മത്സരത്തില് അഞ്ചാമനായിറങ്ങി 12 ബൗണ്ടറികളുടെ അകമ്പടിയില് 161 പന്തില് നിന്ന് സോളങ്കി അടിച്ചെടുത്തത് 103 റണ്സാണ്. രണ്ടാം ദിവസം കളിയവസാനിച്ചപ്പോള് സോളങ്കിയുടെ സെഞ്ച്വറിയുടെ മികവില് ബറോഡ ഏഴുവിക്കറ്റ് നഷ്ടത്തില് 398 റണ്സെടുത്തിട്ടുണ്ട്.
മൂന്നു ദിവസം മുമ്പാണ് വിഷ്ണു സോളങ്കിയുടെ മകള് മരിച്ചത്. പിറന്നു വീണയുടന് കുഞ്ഞ് മരിക്കുകയായിരുന്നു. മകളുടെ സംസ്കാരച്ചടങ്ങുകളില് പങ്കെടുത്ത ശേഷം മൂന്നു ദിവസത്തിനകം സോളങ്കി ടീമിനൊപ്പം ചേര്ന്നിരുന്നു.