തുടര് തോല്വികളില് വ്യാപക വിമര്ശനമുയര്ന്നപ്പോള് ചെന്നൈ നായകന് രവീന്ദ്ര ജഡേജ ഒന്നു പതറി. ഇപ്പോഴിതാ ബംഗളൂരുവിനെതിരെ ആദ്യ വിജയം നേടിയതിന്റെ സന്തോഷത്തിലാണ് രവീന്ദ്ര ജഡേജ. ദിനേശ് കാര്ത്തികിനെ ബൗണ്ടറി ലൈനിനരികില് പിടികൂടിയതിന് ശേഷമുള്ള ജഡേജയുടെ ആഘോഷ പ്രകടനമാണ് ഇപ്പോള് വൈറലായിരിക്കുന്നത്.
ചെന്നൈക്ക് അതുവരെ ഭീഷണിയായി നില്ക്കുകയായിരുന്നു കാര്ത്തിക്. ക്യാച്ച് ചെയ്തതിന് പിന്നാലെ ഇരുകൈകളും വിടര്ത്തി ജഡേജ പുറകിലേക്ക് വീഴുകയായിരുന്നു. സീസണിലെ ചെന്നൈയുടെ ആദ്യ ജയമായിരുന്നു അത്. തുടര്ച്ചയായി നാല് മത്സരങ്ങള് തോറ്റതിനാല് ജഡേജയുടെ ക്യാപ്റ്റന്സിയില് വന് വിമര്ശനം ഉയര്ന്നിരുന്നു. ധോണിയുടെ പിന്ഗാമിയായി എത്തിയ ജഡേജ മികവിലേക്ക് ഉയര്ന്നില്ല എന്നായിരുന്നു ആക്ഷേപം.
സമൂഹമാധ്യമങ്ങളിലുള്പ്പെടെ വ്യാപക വിമര്ശനം ഉയര്ന്ന സാഹചര്യത്തിലാണ് ബംഗളൂരുവിനെതിരെ ചെന്നൈയുടെ ജയം. മത്സരത്തില് ജഡേജ മൂന്ന് വിക്കറ്റ് വീഴ്ത്തുകയും ചെയ്തു. നാല് ഓവറില് 39 റണ്സ് വിട്ടുകൊടുത്തായിരുന്നു ജഡേജ മൂന്ന് വിക്കറ്റ് വീഴ്ത്തിയത്.
The Jadeja catch celebration 👌👌#TATAIPL #CSKvRCB pic.twitter.com/u3zvE59I3k
— IndianPremierLeague (@IPL) April 12, 2022