മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മീനാ ഗണേഷ്. ഒരുകാലത്ത് മലയാളം സിനിമയിൽ ഇവർ വളരെ സജീവമായിരുന്നു. കലാഭവൻ മണിയുടെ ഒപ്പം ഇവർ ഒരുപാട് സിനിമകളിൽ ഒരുമിച്ച് അഭിനയിച്ചിട്ടുണ്ട്. വാസന്തിയും ലക്ഷ്മിയും ഞാനും എന്ന ക്ലാസിക് സിനിമ അടക്കം നിരവധി സിനിമകളിൽ ഇരുവരും ഒരുമിച്ച് അഭിനയിച്ചിട്ടുണ്ട്. ഇപ്പോൾ കലാഭവൻ മണിയുടെ കൂടെ ഉണ്ടായിരുന്ന ആത്മബന്ധത്തെക്കുറിച്ച് പറയുകയാണ് മീനാ ഗണേഷ്.
കലാഭവൻ മണി തന്നെ അമ്മേ എന്നായിരുന്നു വിളിച്ചിരുന്നത് എന്നാണ് ഇപ്പോൾ മീന പറയുന്നത്. മണി ഇപ്പോഴും ജീവിച്ചിരിപ്പുണ്ടായിരുന്നു എങ്കിൽ തനിക്ക് ഇത്രയും ബുദ്ധിമുട്ട് ഇപ്പോൾ അനുഭവിക്കേണ്ടി വരില്ലായിരുന്നു എന്നാണ് പറയുന്നത്. ഒരു യൂട്യൂബ് ചാനലിന് നൽകിയ അഭിമുഖത്തിൽ ആണ് ഇവർ ഈ കാര്യങ്ങൾ തുറന്നു പറഞ്ഞത്. കലാഭവൻ മണിയുടെ ഒപ്പം ഏഴു സിനിമകളിൽ ഒരുമിച്ച് അഭിനയിച്ചിട്ടുണ്ട് എന്നും മിക്ക സിനിമകളിലും മണിയുടെ അമ്മയായിട്ടാണ് അഭിനയിച്ചത് എന്നും മണി കൂടെയുണ്ടെങ്കിൽ സ്വന്തം വാഹനത്തിൽ ആയിരിക്കും നമ്മളെ കൊണ്ടുപോവുക എന്നും ലൊക്കേഷൽ വണ്ടിയിൽ കയറാൻ സമ്മതിക്കില്ല എന്നുമാണ് മീന പറയുന്നത്.
മണി പോയത് വലിയ സങ്കടമായി എന്നും മണി ഉണ്ടായിരുന്നെങ്കിൽ എന്നെ ഇപ്പോൾ സഹായിക്കുമായിരുന്നു എന്നുമാണ് മീന പറയുന്നത്. ഒന്നര പതിറ്റാണ്ട് മുൻപാണ് ഇവരുടെ ഭർത്താവ് പോയത്. 1965 വർഷത്തിൽ ആയിരുന്നു ഇവർ പരസ്പരം കണ്ടുമുട്ടിയത്. ആറു വർഷങ്ങൾക്ക് ശേഷം 1971 വർഷത്തിലായിരുന്നു വിവാഹം. പിന്നീട് ഏകദേശം നാല് പതിറ്റാണ്ട് കാലം ഇരുവരും സന്തോഷത്തോടെ ജീവിച്ചു.
രണ്ടു മക്കൾ ആണ് ഇവർക്ക് ഉള്ളത്. രണ്ടുപേരെയും നന്നായി വളർത്തി നല്ല നിലയിൽ എത്തിച്ചു. മോള് ഇപ്പോൾ കൂടെ താമസിക്കാൻ വിളിക്കുന്നുണ്ട് എന്നും എന്നാൽ വീട് വിട്ടു പോകാൻ തോന്നുന്നില്ല എന്നുമാണ് നടി പറയുന്നത്. വടികുത്തിയാണ് ഇപ്പോൾ നടക്കുന്നത് എന്നും ഒരു സ്ത്രീ സഹായത്തിന് വരാറുണ്ട് എന്നും അമ്മ എന്ന സംഘടനയിൽ നിന്നും ലഭിക്കുന്ന പെൻഷൻ കൊണ്ടാണ് മരുന്നു പോലും വാങ്ങിക്കുന്നത് എന്നും കൂടെ അഭിനയിച്ച മിക്കവരും സഹായിക്കാറില്ല എന്നും ആരോടും ഒന്നും ആവശ്യപ്പെടാറില്ല എന്നുമാണ് മീനാ ഗണേഷ് പറയുന്നത്.
