അഞ്ച് അപ്പത്തിനും രണ്ട് മുട്ടക്കറിക്കും 184 രൂപ ബില്ലിട്ട ഹോട്ടലിനെതിരെ പരാതിയുമായി ആലപ്പുഴ എംഎല്എ പി. പി ചിത്തരഞ്ജന്. ആലപ്പുഴ മണ്ഡലത്തിലെ ഭക്ഷണത്തിന് അമിത വില ഇടാക്കുന്ന ഹോട്ടലുകള്ക്കെതിരെ നടപടിയെടുക്കണമെന്നാവശ്യപ്പെട്ട് ജില്ലാകളക്ടര്ക്കാണ് എംഎല്എ പരാതി നല്കിയത്.
കഴിഞ്ഞ ദിവസം എംഎല്എ കണിച്ചുകുളങ്ങരയിലെ ഒരു ഹോട്ടലില് നിന്ന് കഴിച്ച പ്രഭാത ഭക്ഷണത്തിനാണ് 184 രൂപ ഈടാക്കിയത്. ഫാന് സ്പീഡ് കൂട്ടിയിട്ടാല് പറന്നുപോകുന്ന വലുപ്പത്തിലുള്ള ഒരപ്പത്തിന് 15 രൂപയാണ് വിലയെന്നാണ് എംഎല്എ ചൂണ്ടിക്കാട്ടിയത്. നാലര രൂപ വില വരുന്ന ഒരു മുട്ടയും അല്പം ഗ്രേവിയും നല്കിയതിന് 50 രൂപ. അതൊരു സ്റ്റാര് ഹോട്ടലല്ല. എ. സി ഹോട്ടലെന്നു പറഞ്ഞിട്ടുണ്ടെങ്കിലും എസി ഇല്ല. വിലവിവരപ്പട്ടിക പ്രദര്ശിപ്പിച്ചിട്ടുമില്ലെന്നും എംഎല്എ ആരോപിച്ചു.
ചില ഹോട്ടലുകളില് രണ്ടു കറികളുള്ള വെജിറ്റേറിയന് ഊണ് കഴിക്കണമെങ്കില് 100 രൂപ നല്കണം. ഒരു ചായയ്ക്ക് അഞ്ചു രൂപയും ഊണിന് 30 രൂപയും നല്കുന്ന സാധാരണ ഹോട്ടലുകള് ഇപ്പോഴുമുണ്ട്. അപ്പോഴാണ് ചിലര് കൊള്ളലാഭമുണ്ടാക്കാന് കൃത്രിമ വിലക്കയറ്റം നടത്തുന്നതെന്നും അദ്ദേഹം കുറ്റപ്പെടുത്തി.