ഒരു ചിത്രം പങ്കുവെക്കുമ്പോൾ വരുന്ന കമൻ്റുകൾ എല്ലാം ലൈംഗിക ചുവയുള്ളവ ആണ്, ചിലർക്ക് അറിയേണ്ടത് വേറെ ചിലതാണ്, അവർ അത് ചോദിച്ചു ഇൻബോക്സിൽ വരികയും ചെയ്യും – നിത്യ മേനോൻ

തെന്നിന്ത്യൻ പ്രേക്ഷകരുടെ മനം കവർന്ന നടിയാണ് നിത്യ മേനോൻ. ഒരു ഹിന്ദി ചിത്രത്തിൽ ബാല താരമായിട്ടാണ് നിത്യ അരങ്ങേറുന്നത്. ചുരുങ്ങിയ കാലയളവിനുള്ളിൽ ഒരു മികച്ച അഭിനേതാവാണ് താനെന്ന് തെളിയിക്കാൻ നിത്യക്ക് സാധിച്ചിട്ടുണ്ട്. ഹിന്ദിയിൽ അരങ്ങേറി മലയാളത്തിലേക്ക് എത്താൻ നിത്യ കുറച്ച് സമയം എടുത്തു. മലയാളത്തിനു മുൻപ് കന്നടയിൽ ആയിരുന്നു താരം അഭിനയിച്ചത്.

ആകാശ ഗോപുരം എന്ന ചിത്രത്തിലൂടെയാണ് നിത്യ മലയാളത്തിലേക്ക് കടക്കുന്നത്. കെ പി കുമാരൻ സംവിധാനം ചെയ്ത ഈ ചിത്രത്തിലെ നായകൻ മോഹൻലാൽ ആയിരുന്നു. ഒരു മികച്ച അഭിനേതാവ് എന്നതിലുപരി ഒരു മികച്ച പിന്നണി ഗായിക കൂടിയാണ് താരം. മലയാളത്തിനു പുറമേ തെലുഗു, കന്നട സിനിമാ മേഖലയിലും ഒരുപാട് ആരാധകരുണ്ട് താരത്തിന്.

മറ്റു പല നടികളെ പോലെയും സാമൂഹ്യ മാധ്യമങ്ങളിൽ സജീവമാണ് താരം. സൈബർ ഇടങ്ങളിലെ ലൈംഗിക ചുവയുള്ള കടന്നു കയറ്റങ്ങൾക്കും ഇരയായിട്ടുണ്ട് താരം. നിത്യ തന്നെയാണ് ഇത് വെളിപ്പെടുത്തിയത്. സാമൂഹ്യ മാധ്യമങ്ങളിലെ തൻറെ അനുഭവം താരം വെളിപ്പെടുത്തിയത് ഇങ്ങനെ.

തൻറെ ചിത്രങ്ങൾ പങ്കു വെക്കുമ്പോൾ പല ആൾക്കാരും തൻറെ ശരീരത്തിൻറെ അളവ് എടുക്കുകയാണ് ചെയ്യുന്നത്. പലരും സൈസ് ചോദിച്ച് ഇൻബോക്സിൽ വരാറുണ്ട്. പല വൃത്തികേടുകളും വിളിച്ചു പറയുന്നവരുണ്ട്. സ്വകാര്യ ഭാഗങ്ങളുടെ ചിത്രങ്ങളുമായി വരുന്നവരും ഉണ്ട്. ഇതൊന്നും കാര്യമാക്കാതെ വിടുകയാണ് തൻറെ പതിവ് എന്ന് നിത്യ പറയുന്നു. ശരീരത്തെക്കാൾ അഭിനയത്തിന് പ്രാധാന്യം കൊടുക്കുന്ന വ്യക്തിയാണ് താൻ. പൊക്കത്തെ കുറിച്ചോ ശരീര ഭാഗങ്ങളെ കുറിച്ചോ അധികം ചിന്തിക്കാറില്ല. താരം പറയുന്നു.