കുറച്ചു ബാധ്യതകൾ ഒക്കെ തീർക്കാനുണ്ട്, അതുകഴിഞ്ഞ് മാത്രമായിരിക്കും വിവാഹം, പട്ടിണിയും ദാരിദ്ര്യവും നിറഞ്ഞ ജീവിതമായിരുന്നു, സൗന്ദര്യമില്ല എന്ന പേരിൽ ഒരുപാട് കളിയാക്കലുകൾ നേരിട്ടിട്ടുണ്ട് – കുടുംബവിളക്കിലെ ശീതൾ

ടെലിവിഷൻ റെട്ടിങ്ങുകളിൽ ഏറ്റവും മുൻ പന്തിയിൽ നിൽക്കുന്ന പരമ്പരകളിൽ ഒന്നാണ് കുടുംബ വിളക്ക്. എല്ലായ്പ്പോഴും ആദ്യ മൂന്ന് സ്ഥാനങ്ങളിൽ ഒന്നിൽ കുടുംബ വിളക്ക് ഉണ്ടാകും. കുടുംബ പ്രേക്ഷകർക്ക് അത്രയെറെ പ്രിയപ്പെട്ടതാണ് ഈ പരമ്പര. വളരെ ആകാംക്ഷാ പൂർവ്വം ആണ് ഇതിൻറെ ഓരോ എപ്പിസോഡിനും പ്രേക്ഷകർ കാത്തിരിക്കാറ്.

പരമ്പരയിലെ കേന്ദ്ര കഥാപാത്രങ്ങളിൽ ഒരാളാണ് ശീതൾ. ഏതാണ്ട് വില്ലത്തിയോട് സമം ആയിട്ടായിരുന്നു ശീതൾ എന്ന കഥാപാത്രത്തിൻറെ ആരംഭം. പക്ഷേ ഇടയിൽ വെച്ച് കഥാപാത്രത്തിൻറെ വഴി മാറി. ഇന്ന് അമ്മ സുമിത്രയുടെയുടെ സ്നേഹ നിധിയായ മകളാണ് ഈ കഥാപാത്രം. സുമിത്രയ്ക്ക് ഒരു കൈ സഹായം എന്നൊക്കെ വേണമെങ്കിൽ പറയാം.

ഇന്ന് പരമ്പരയുടെ നെടും തൂണായി ഈ കഥാപാത്രവും. സുമിത്ര ശീതൾ കോംബോയ്ക്കാണ് ആരാധകരെറേയും. ഈ കഥാപാത്രത്തെ മിനി സ്ക്രീനിൽ അവതരിപ്പിക്കുന്നത് അമൃത നായരാണ്. വളരെ നെഗറ്റീവായ സാഹചര്യങ്ങളിൽ നിന്നാണ് അമൃത ഇന്ന് ഈ നിലയിലേക്ക് എത്തിയിരിക്കുന്നത്. ദാരിദ്ര്യവും പട്ടിണിയും ഒക്കെ അനുഭവിച്ചറിഞ്ഞ വ്യക്തിയാണ് അമൃത. സെയിൽസ് ഗേൾ ആയിരുന്നു താരം മുൻപ്. പിന്നീട് അവിചാരിതമായി മോഡലിങ്ങിലേക്ക് തിരിയുകയായിരുന്നു.

തൻറെ ജീവിത കഥ അമൃത തന്നെയാണ് ഒരു അഭിമുഖത്തിൽ വിവരിക്കുന്നത്. സെയിൽസ് ഗേൾ ആയിട്ടാണ് തുടക്കം. ഇപ്പോൾ വലിയ കുഴപ്പമില്ലാതെ പോകുന്നു. പരമ്പരയിലേക്ക് എത്തിപ്പെടുന്നത് ജോസ് പേരൂർക്കട വഴിയാണ്. കുടുംബ വിളക്കിലെ സംവിധായകനായ മഞ്ജു ധർമ്മൻ സാറിനോട് ഒരുപാട് നന്ദി അറിയിക്കാൻ ഉണ്ട്. മുഴുവൻ ടീമും വലിയ പിന്തുണയാണ് നൽകുന്നത്. അഭിനയ ജീവിതത്തിൽ എത്തിപെട്ടപ്പോൾ ഒരുപാട് ഒരുപാട് ഇൻസൽട്ടുകൾ നേരിട്ടിട്ടുണ്ട്. കാണാൻ ഭംഗി ഇല്ലെന്നും അഭിനയം തീരെ മോശമാണെന്നും കേട്ടിട്ടുണ്ട്. ഒരുപക്ഷേ അതൊക്കെ തന്നെ ആകാം പ്രചോദനം. ഒരുപാട് സ്വപ്നങ്ങൾ ഉണ്ട്. സിനിമ കിട്ടിയാൽ മാത്രമേ എൻറെ ജീവിതത്തിൽ പല കാര്യങ്ങളും ചെയ്തു തീർക്കാൻ ആകൂ. ദൈവം അനുഗ്രഹിച്ച് നല്ല പ്രോജക്ടുകൾ കിട്ടുമായിരിക്കും. കുറച്ചു ബാധ്യതയും ഒക്കെ തീർക്കാനുണ്ട്. അതിനൊക്കെ ശേഷം മാത്രമേ വിവാഹം ഉണ്ടാകൂ. തനിക്ക് ഇപ്പോൾ പ്രണയം ഒന്നുമില്ല എന്നും താരം പറഞ്ഞു. പലപേരുകളും കൂട്ടി അഭ്യൂഹങ്ങൾ വരുന്നുണ്ട് പക്ഷേ അതൊന്നും സത്യമല്ല. അമൃത പറഞ്ഞു.