കുതിരവട്ടം മാനസികാരോഗ്യകേന്ദ്രത്തില് നിന്ന് അന്തേവാസി വാഹനാപകടത്തില് മരിച്ചു. മാനസികാരോഗ്യകേന്ദ്രത്തിന്റെ ഭിത്തി തുറന്ന് രക്ഷപ്പെട്ട മലപ്പുറം സ്വദേശി മുഹമ്മദ് ഇര്ഫാനാണ് മരിച്ചത്. മലപ്പുറത്തുണ്ടായ വാഹനാപകടത്തിലാണ് ഇയാള് മരിച്ചത്.
റിമാന്ഡ് പ്രതിയായിരുന്നു മുഹമ്മദ് ഇര്ഫാന്. ഇന്നലെ രാത്രിയോടെയാണ് പൊലീസ് കാവലുള്ള സെല്ലില് നിന്ന് യുവാവ് രക്ഷപ്പെട്ടത്. കുളിമുറിയിലെ ഭിത്തി സ്പൂണ് ഉള്പ്പടെ ഉപയോഗിച്ച് തുരന്നാണ് യുവാവ് പുറത്തുകടന്നതെന്നാണ് പൊലീസ് നല്കുന്ന പ്രാഥമിക വിവരം.
രക്ഷപ്പെട്ട് മലപ്പുറത്തേക്ക് പോകുന്ന വഴിയാണ് കോട്ടയ്ക്കലില് വച്ച് അപകടമുണ്ടായത്. ഗുരുതരമായി പരുക്കേറ്റ ഇയാളെ ആശുപത്രിയിലെത്തിച്ചെങ്കിലും ഇന്ന് മരിച്ചു.