‘സുരേഷ് ഗോപിയെ നായകനാക്കിയാൽ വടക്കൻ മലബാറിൽ ആരും സിനിമ കാണില്ല എന്നവർ പറഞ്ഞു.’ വെളിപ്പെടുത്തലുമായി ജോസ് തോമസ്.

സാമൂഹ്യ മാധ്യമങ്ങളിൽ സിനിമാപ്രവർത്തകനായ ജോസ് തോമസ് പറഞ്ഞ ചില കാര്യങ്ങളാണ് ശ്രദ്ധ നേടുന്നത്. നടൻ സുരേഷ് ഗോപിയെ കുറിച്ചാണ് ഇദ്ദേഹം പ്രതിപാദിക്കുന്നത്. പാപ്പൻ എന്ന സിനിമയുടെ സെറ്റിൽ വച്ചുണ്ടായ അനുഭവം ഇദ്ദേഹം വിശദീകരിച്ചു. തൃശ്ശൂരിൽ ജയിക്കണമെന്ന് അദ്ദേഹത്തിന് വലിയ ആഗ്രഹമില്ലായിരുന്നു എന്ന് ജോസ് തോമസ് പറയുന്നു. അതിനുള്ള കാരണം നിയമസഭയിൽ ഇപ്പോൾ ഇരിക്കുന്ന പലരുടെയും ഒപ്പം അദ്ദേഹത്തിന് ഇരിക്കാൻ താല്പര്യമില്ല എന്നതായിരുന്നു എന്നും ഇദ്ദേഹം കൂട്ടിച്ചേർത്തു.

കേന്ദ്ര നേതൃത്വം നിർബന്ധിച്ച് അതിനാണ് താൻ സ്ഥാനാർത്ഥിത്വം സ്വീകരിച്ചത് എന്നും അദ്ദേഹം പറഞ്ഞതായി ജോസ് തോമസ് പറയുന്നു. സിനിമയിൽ താൻ കണ്ടിട്ടുള്ളതിൽ വച്ച് ഏറ്റവും മാന്യനായ വ്യക്തിയാണ് സുരേഷ് ഗോപി എന്നും ജോസ് തോമസ് പറയുന്നു. സുരേഷ് ഗോപിയുടെ രാഷ്ട്രീയ പ്രവേശനം കേരളത്തിൽ അങ്ങോളം ഇങ്ങോളം മനുഷ്യരെ ചെറുതായി ഒന്ന് അകറ്റി നിർത്തിയോ എന്ന സംശയം ഉണ്ടായിരുന്നു എന്നും ഇദ്ദേഹം പറയുന്നു.

ബിജെപിയിൽ ചേർന്ന അദ്ദേഹത്തെ നായകനാക്കി ഒരു ചിത്രം ചെയ്താലോ എന്ന് ആഗ്രഹം തോന്നിയ സമയത്ത് സിനിമ മേഖലയിലെ പലരും അദ്ദേഹത്തെ നായകനാക്കി ചിത്രം ചെയ്താൽ വടക്കൻ മലബാറിൽ നിന്ന് ആരും അത് കാണില്ല എന്ന് പറഞ്ഞു എന്നും ജോസ് തോമസ് പറയുന്നു. സുരേഷ് ഗോപി എന്നു പറയുന്ന മനുഷ്യൻ ജാതിമത ചിന്തകൾ ഇല്ലാത്ത വ്യക്തിയാണ് എന്നും മറ്റു മതസ്ഥരെ മാറ്റിനിർത്തുന്ന സ്വഭാവം അദ്ദേഹത്തിന് ഇല്ല എന്ന് താൻ വ്യക്തത വരുത്താൻ ശ്രമിച്ചു.

 

പക്ഷേ നിർമ്മാതാക്കൾക്ക് അത് സ്വീകാര്യമായി തോന്നിയില്ല എന്നും ഇദ്ദേഹം പറയുന്നു. നിനക്ക് അയാളെ വ്യക്തിപരമായി അറിയാം പക്ഷേ പുറത്തു നിൽക്കുന്ന ജനങ്ങൾക്ക് അത് അറിയില്ല അതുകൊണ്ട് ഇത് ആലോചിക്കേണ്ട എന്ന് അവർ മറുപടി പറഞ്ഞു എന്ന് ജോസ് തോമസ് പറയുന്നു.