ശാലു മാത്രം എനിക്കൊരു ബഹുമാനവും തന്നില്ല, ഇതിന്റെ കാരണം കേട്ടപ്പോള്‍ ഞാന്‍ ഞെട്ടി, ഒരു നടി ഇങ്ങനെയൊക്കെ ചിന്തിക്കുന്നതില്‍ വിഷമമുണ്ട് ; നടന്‍ ദിനേശ് പണിക്കര്‍

ഒരുകാലത്ത് മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട സീരിയല്‍ ആയിരുന്നു ചന്ദനമഴ. നിരവധി പുതുമുഖങ്ങളും സിനിമ സീരിയല്‍ താരങ്ങളും ആണ് ചന്ദനമഴയില്‍ ഉണ്ടായിരുന്നത്. നടന്‍ ദിനേശ് പണിക്കരും ഈ സീരിയല്‍ പ്രധാനപ്പെട്ട ഒരു കഥാപാത്രത്തെ അവതരിപ്പിച്ചിരുന്നു. ആ പരമ്പരയില്‍ അഭിനയിക്കുമ്പോള്‍ ഉണ്ടായ ഒരു അനുഭവത്തെ കുറിച്ചാണ് നടന്‍ ഇപ്പോള്‍ പറയുന്നത്.

ദേവേട്ടന്‍ എന്ന കഥാപാത്രത്തെയായിരുന്നു ഞാന്‍ സീരിയല്‍ അവതരിപ്പിച്ചത്. നാലുവര്‍ഷത്തോളം ചന്ദനമഴയ്‌ക്കൊപ്പം ഉണ്ടായിരുന്നു. എന്നെ സംബന്ധിച്ച് വലിയൊരു ഭാഗ്യമായിരുന്നു ആ കഥാപാത്രം. സീരിയലില്‍ നടി യമുനയാണ് എന്റെ ഭാര്യയായി അഭിനയിച്ചിരുന്നത്. നേരത്തെ ഞങ്ങള്‍ ഒന്നിച്ചു സിനിമ ചെയ്തിരുന്നു.

അതേസമയം ശാലു കുര്യനും ഇതില്‍ വര്‍ഷയായി എത്തിയിരുന്നു. മിടുക്കി കുട്ടി നന്നായിട്ട് അഭിനയിക്കാന്‍ അറിയാം എന്നായിരുന്നു ശാലുവിനെ കുറിച്ച് എനിക്ക് ആദ്യം തോന്നിയത്. ഷൂട്ടിനിടെ എല്ലാവരും പരസ്പരം സംസാരിക്കാറുണ്ട്. എന്നാല്‍ ശാലു മാത്രം എന്നില്‍ നിന്ന് അകലം പാലിക്കുകയായിരുന്നു. ഒരു ബഹുമാനവും എനിക്ക് തന്നില്ല. എന്നോട് മാത്രമായിരുന്നു ശാലു ഇങ്ങനെ പെരുമാറിയത്.

അങ്ങനെ ഞാന്‍ ശാലുവിനോട് ഇതേ കുറിച്ച് ചോദിച്ചു. ഒന്നും വിചാരിക്കരുത് ചേട്ടന്റെ ജനകന്‍ എന്ന സിനിമ ഞാന്‍ കണ്ടിരുന്നു അതോടെ എനിക്ക് ചേട്ടനോട് വെറുപ്പായി. എന്നായിരുന്നു മറുപടി എന്നാല്‍ അഭിനയിക്കുന്ന ഒരു നടി ഇങ്ങനെ പറഞ്ഞപ്പോള്‍ എനിക്ക് വിഷമം തോന്നി പിന്നീട് അതൊക്കെ മാറി ഞങ്ങള്‍ നല്ല കൂട്ടായി നടന്‍ പറഞ്ഞു.