മലയാളം സീരിയലുകളിൽ ഇനി അത്തരം രംഗങ്ങൾ കൂടി, ഷൂട്ടിംഗ് സമയത്തെ വീഡിയോ പങ്കിട്ട് നടി ആതിര മാധവ്

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ആതിര മാധവ്. കുടുംബ വിളക്ക് എന്ന പരമ്പരയിലൂടെയാണ് താരം ശ്രദ്ധിക്കപ്പെടുന്നത്. പിന്നീട് താരം പരമ്പരയിൽ നിന്നും അകന്നു നിൽക്കുകയായിരുന്നു. ഇപ്പോൾ യൂട്യൂബിൽ വളരെ സജീവമാണ് താരം. ഗർഭിണിയായതിനുശേഷം ആയിരുന്നു താരം പരമ്പരയിൽ നിന്നും മാറിനിന്നത്. റേ എന്നാണ് ഇവരുടെ മകൻറെ പേര്.

അടുത്തിടെയാണ് ഇവർ സീരിയൽ മേഖലയിലേക്ക് തിരിച്ചു വരവ് നടത്തിയത്. മൗനരാഗം എന്ന പരമ്പരയിലൂടെയാണ് ഇവർ തിരിച്ചുവരവ് നടത്തിയിരിക്കുന്നത്. ശരണ്യ എന്ന കഥാപാത്രത്തെയാണ് പരമ്പരയിൽ ആതിര അവതരിപ്പിക്കുന്നത്. വിവാഹശേഷം ശരണ്യയും സീരിയലിലെ കഥാപാത്രമായ വിക്രമവും ഇപ്പോൾ സമൂഹമാധ്യമങ്ങളിൽ ശ്രദ്ധിക്കപ്പെടുകയാണ്. ഇപ്പോൾ ആതിര പങ്കിട്ട ഏറ്റവും പുതിയ വീഡിയോ ആണ് ശ്രദ്ധിക്കപ്പെടുന്നത്.

കല്യാൺ എന്ന നടനാണ് വിക്രം എന്ന കഥാപാത്രത്തെ അവതരിപ്പിക്കുന്നത്. ഈ നടൻ ഒപ്പം ഫൈറ്റ് പ്രാക്ടീസ് ചെയ്യുന്ന സീനാണ് താരം ഇപ്പോൾ പങ്കിട്ടിരിക്കുന്നത്. പാവം വിക്രമിനെ എടുത്തിട്ട് ഇടിക്കുന്ന നടിയുടെ വീഡിയോ ആണ് ഇപ്പോൾ സമൂഹമാധ്യമങ്ങളിൽ വൈറലായി മാറിക്കൊണ്ടിരിക്കുന്നത്.

അതേസമയം മലയാളം സീരിയലുകൾ എന്നാൽ കണ്ണീരും പിഴിച്ചിലും കുറ്റം പറച്ചിലും മാത്രമാണ് എന്ന് പറയുന്നവർക്കുള്ള ഒരു മറുപടിയാണ് ഈ രംഗങ്ങൾ എന്നാണ് ഒരുവിധം ആളുകൾ എല്ലാവരും പറയുന്നത്. മലയാളം സീരിയലുകളിലും ഇനിമുതൽ കിടിലൻ ഫൈറ്റ് ഉണ്ടാകും എന്നാണ് ആരാധകർ പറയുന്നത്. അതേസമയം നെഗറ്റീവ് ടച്ച് ഉള്ള കഥാപാത്രത്തെയാണ് കല്യാൺ അവതരിപ്പിക്കുന്നത്. ഏഷ്യാനെറ്റ് ചാനലിൽ വർഷങ്ങളായി ഓടുന്ന പരമ്പരകളിൽ ഒന്നാണ് മൗനരാഗം.