ബില്ക്കീസ് ബാനു കൂട്ടബലാത്സംഗക്കേസിലെ കുറ്റവാളികളെ ജയില് മോചിതരാക്കിയത് ചോദ്യം ചെയ്തുള്ള ഹര്ജിയില് ഗുജറാത്ത് സര്ക്കാറിന് സുപ്രിംകോടതിയുടെ നോട്ടിസ്. കുറ്റവാകളികളെ വെറുതെവിടാനുള്ള നിയപരമായ അധികാരം ഗുജറാത്തിന് സര്ക്കാറിനുണ്ടോയെന്ന് പരിശോധിക്കുമെന്ന് കോടതി വ്യക്തമാക്കി.
വിട്ടയച്ച 11 പ്രതികളെ കേസില് കക്ഷിചേര്ക്കാനും കോടതി നിര്ദേശം നല്കി. ചീഫ് ജസ്റ്റിസ് എന്.വി.രമണ അധ്യക്ഷനായ ബെഞ്ചാണ് കേസ് പരിഗണിച്ചത്. രണ്ടാഴ്ചയ്ക്ക് ശേഷം കേസ് വീണ്ടും പരിഗണിക്കും. പ്രതികളെ ജയില് മോചിതരാക്കിയ ഗുജറാത്ത് സര്ക്കാര് നടപടിയെ ചോദ്യം ചെയ്ത്സി.പി.ഐ. എം നേതാവ് സുഭാഷിണി അലിയുടെ നേതൃത്വത്തില് സമര്പ്പിച്ച ഹര്ജിയിലാണ് കോടതി നിര്ദേശം.
കഴിഞ്ഞ ആഴ്ചയാണ് ബില്ക്കീസ് ബാനു കൂട്ടബലാത്സംഗവും കൊലപാതകവും നടത്തിയ കേസില് ശിക്ഷിക്കപ്പെട്ട 11 പേരെ ഗുജറാത്ത് സര്ക്കാര് മോചിപ്പിച്ചത്. ജയിലില് 15 വര്ഷം പൂര്ത്തിയായെന്നും വിട്ടയക്കണമെന്നും ആവശ്യപ്പെട്ട് പ്രതികളിലൊരാള് സുപ്രിംകോടതിയെ സമീപിച്ചിരുന്നു. വിഷയത്തില് തീരുമാനമെടുക്കാന് സുപ്രിംകോടതി ഗുജറാത്ത് സര്ക്കാരിന് നിര്ദേശം നല്കി. തുടര്ന്നാണ് ഇവരെ വിട്ടയയ്ക്കാന് സര്ക്കാര് തീരുമാനിച്ചത്.