ഹലാൽ ലൗ ഇത്ര അടിപൊളി ആണെന്ന് നിങ്ങളെ വിവാഹം ചെയ്യുന്നതുവരെ അറിയില്ലായിരുന്നു – പുതിയ വിവാഹചിത്രങ്ങൾ പങ്കുവെച്ച് സനാ ഖാൻ

മലയാളികൾക്ക് ഏറെ സുപരിചിതയായ താരങ്ങളിലൊരാളാണ് സനാഖാൻ. തെന്നിന്ത്യയിലെ എക്കാലത്തെയും ജനപ്രിയ നടിമാരിൽ ഒരാളായ സിൽക്ക് സ്മിതയുടെ ജീവിതത്തെ ആസ്പദമാക്കി മലയാളത്തിൽ ചിത്രീകരിച്ച് ക്ലൈമാക്സ് എന്ന ചിത്രത്തിലെ നായിക സനാഖാൻ ആയിരുന്നു. ഇന്ത്യയിലെതന്നെ ഏറ്റവും ജനപ്രിയമായ പരിപാടികളിൽ ഒന്നായ ബിഗ് ബോസ് ഹിന്ദി പതിപ്പിലൂടെ ആണ് സനാ ഖാൻ സിനിമയിലേക്കും അരങ്ങേറുന്നത്.

തെന്നിന്ത്യൻ സിനിമകളിൽ ആയിരുന്നു കൂടുതൽ വേഷങ്ങൾ താരത്തിന് ലഭിച്ചത്. അധികവും ഗ്ലാമർ വേഷങ്ങൾ തന്നെയായിരുന്നു. പിന്നീടാണ് പതിയെ ബോളിവുഡിലേക്ക് ചേക്കേറുന്നത്. അവിടെയും ഗ്ലാമർ വേഷങ്ങൾ തന്നെയായിരുന്നു താരത്തിനെ കാത്തിരുന്നത്. നിരവധി ഗ്ലാമർ വേഷങ്ങൾ ചെയ്തത് കൊണ്ട് തന്നെ ഭാഷാ ഭേദമന്യേ എല്ലാവർക്കും താരത്തിനെ നല്ല പരിചയമാണ്.

സിനിമയിൽ അവസരങ്ങൾ ഇല്ലാതായി തുടങ്ങിയ സമയത്താണ് താൻ സിനിമാ ജീവിതം അവസാനിക്കുകയാണ് എന്നും ഇനി മതത്തിനാണ് കൂടുതൽ പ്രാധാന്യം നൽകാൻ പോകുന്നത് എന്നും സനാഖാൻ വെളിപ്പെടുത്തിയത്. താരത്തിൻ്റെ ഈ തീരുമാനത്തെ എല്ലാവരും പിന്തുണയ്ക്കുകയായിരുന്നു. പിന്നീട് തൻറെ പഴയ കാല ചിത്രങ്ങൾ എല്ലാം തന്നെ ഇൻസ്റ്റഗ്രാമിൽ നിന്നും താരം ഒന്നൊന്നായി ഒഴിവാക്കി. എന്നാൽ കഴിഞ്ഞ ആഴ്ച താരം തന്നെ തൻറെ കുറേ വിവാഹചിത്രങ്ങൾ ഇൻസ്റ്റഗ്രാമിൽ അപ്‌ലോഡ് ചെയ്തു.

സൂറത്ത് ആസ്ഥാനമായി പ്രവർത്തിക്കുന്ന ഒരു വ്യാപാരി ആണ് താരത്തിൻ്റെ ഭർത്താവ്. ഇരുവരും ഇപ്പോൾ ഹലാൽ ലൗ ആഘോഷിച്ചു കൊണ്ടിരിക്കുകയാണ്. താരം തന്നെയാണ് ഹലാല് ലവ് ചിത്രങ്ങൾ ഇൻസ്റ്റഗ്രാമിൽ അപ്‌ലോഡ്. “നിങ്ങളെ വിവാഹം ചെയ്യുന്നതുവരെ ഹലാൽ ലവ് എത്ര മനോഹരം ആയിരിക്കും എന്ന് എനിക്ക് അറിയില്ലായിരുന്നു” എന്ന ക്യാപ്ഷൻ ചേർത്തുകൊണ്ടാണ് സന ഖാൻ ചിത്രങ്ങളെല്ലാം പങ്കുവെച്ചത്. നിമിഷങ്ങൾക്കകം തന്നെ ചിത്രങ്ങളെല്ലാം വൈറലായി.