കൊച്ചി: നവജാത ശിശുവിനെ ക്വാറിയിലെറിഞ്ഞ് കൊന്ന കേസില് അമ്മയ്ക്ക് ജീവപര്യന്തം തടവ്. എറണാകുളം തിരുവാണിയൂരിലെ ശാലിനിയെയാണ് വിചാരണ കോടതി ശിക്ഷിച്ചത്.
തടവ് കൂടാതെ 50,000 രൂപ പിഴയും ഇവര്ക്ക് ശിക്ഷയായി വിധിച്ചു.സ്ത്രീകള്ക്കും കുട്ടികള്ക്കുമെതിരായ കുറ്റകൃത്യങ്ങള് പരിഗണിക്കുന്ന എറണാകുളത്തെ പ്രത്യേക കോടതി ജഡ്ജി കെ സോമന്റെതാണ് ശിക്ഷാ വിധി.
2021 ജൂണിലായിരുന്നു കേസിനാസ്പദമായ സംഭവം നടന്നത്. ഭര്ത്താവില് നിന്ന് അകന്ന് താമസിക്കുകയായിരുന്നു ശാലിനി. എന്നാല് ഇതിനിടയില് ഗര്ഭിണിയായി.
ഇതില് അഭിമാനപ്രശ്നം ഭയന്ന് ജനിച്ചയുടന് കുഞ്ഞിനെ ക്വാറിയിലെറിഞ്ഞ് കൊല്ലുകയുമായിരുന്നു. കേസില് 29 സാക്ഷികളെ വിസ്തരിച്ച കോടതി 36 രേഖകളും 16 തൊണ്ടി മുതലുകളും പരിശോധിച്ചു.