ഹേമ കമ്മിറ്റി റിപ്പോര്ട്ട് പുറത്ത് വിടണമെന്ന് ദേശീയ വനിത കമ്മിഷന് അധ്യക്ഷ രേഖ ശര്മ. ഇക്കാര്യം ചൂണ്ടിക്കാട്ടി ദേശീയ വനിത കമ്മിഷന് അധ്യക്ഷ ചീഫ് സെക്രട്ടറിക്ക് കത്ത് നല്കി. പതിനഞ്ച് ദിവസത്തിനകം ചീഫ് സെക്രട്ടറി മറുപടി നല്കണമെന്നാണ് കത്തില് ആവശ്യപ്പെട്ടിരിക്കുന്നത്.
ഹേമ കമ്മി റിപ്പോര്ട്ട് പുറത്തുവിടാത്തതില് സര്ക്കാരിനെതിരെ രൂക്ഷ വിമര്ശനമാണ് ദേശീയ വനിതാ കമ്മിഷന് നടത്തിയത്. ഹേമ കമ്മിഷന് റിപ്പോര്ട്ട് മൂന്ന് മാസത്തിനകം പുറത്ത് വിടണമായിരുന്നുവെന്ന് രേഖ ശര്മ പറഞ്ഞു. റിപ്പോര്ട്ട് വനിതാ കമ്മിഷന് നല്കിയിട്ടില്ല. പരാതിക്കാര്ക്ക് റിപ്പോര്ട്ട് നല്കിയില്ലെങ്കില് വനിതാ കമ്മിഷന് ഇടപെടും. സംസ്ഥാനത്തേക്ക് അന്വേഷണ സംഘത്തെ അയയ്ക്കുമെന്നും ദേശീയ വനിതാ കമ്മിഷന് അറിയിച്ചു.
ഡബ്ല്യുസിസി നിരന്തരം പരാതി നല്കിക്കൊണ്ടിരിക്കുകയാണ്. സിനിമാ ലോകത്ത് സ്ത്രീകള്ക്ക് എതിരായ അതിക്രമങ്ങള് ഏറെ നാളായുണ്ട്. ആഭ്യന്തരപരാതി പരിഹാര സംവിധാനം പ്രൊഡക്ഷന് ഹൗസുകളിലില്ലെന്നും രേഖാ ശര്മ്മ പറഞ്ഞു.