രാഷ്ട്രീയ നിലപാട് വെളിപ്പെടുത്തി അടുത്തിടെ ബി.ജെ.പിക്ക് വേണ്ടി പരസ്യ പ്രചരണത്തിന് ഇറങ്ങിയതോടെ നടന് കൃഷ്ണകുമാറിനെതിരെ കടുത്ത സോഷ്യല് മീഡിയ ആക്രമണമാണ് നിറഞ്ഞത്. മലയാളത്തില് ശ്രദ്ധേയമായ റോളുകള് ചെയ്ത നടന് തന്റെ അഭിപ്രായങ്ങള് വെട്ടിത്തുറന്ന് പറയുന്നതില് മടി കാണിക്കാറുമില്ല.
ഇപ്പോഴിതാ താരം അഭിനയിച്ച സുരേഷ്ഗോപി ചിത്രം മേല്വിലാസത്തിലെ കഥാപാത്രത്തിന് വിമര്ശനാത്മക നിരൂപണം പങ്കുവച്ച് എത്തുകയാണ് ജിതേന്ദ്രന് എന്ന യുവാവ്. സിനിമാ പ്രേമികളുടെ ഗ്രൂപ്പായ മുവീ സട്രീറ്റിലാണ് കൃഷ്ണകുമാറിന്റെ രാഷ്ട്രീയത്തെയും സിനിമയേയും കൂട്ടിയോജിപ്പിച്ച് കുറിപ്പുമായി രംഗത്തെത്തുന്നത്.
മേല്വിലാസം സിനിമയിലെ ക്യാപ്റ്റന് ബി. ഡി. കപൂര് നെയാണ് കൃഷ്ണകുമാറിനെ എപ്പോ കാണുമ്പഴും ഓര്മ്മ വരുന്ന കഥാപാത്രമെന്ന് കുറിപ്പില് പറയുന്നു. സവാര് രാമചന്ദ്രനെ ജാതീയമായി അധിക്ഷേപിക്കുന്നതും അയാള്ക്കെതിരെ വളരെ ക്രൂരമായി ആരോപണങ്ങള് ഉന്നയിച്ച് ഒട്ടും കരുണയില്ലാതെ പ്രതിചേര്ക്കാന് ശ്രമിക്കുന്നതും കാണുമ്പോള് കപൂറിന്റെ പാരമ്പര്യവാദത്തെയും സവര്ണ്ണതയെയും കൃഷ്ണകുമാര് എങ്ങനെ സിനിമയില് ഉപയോഗിക്കുന്നു എന്ന് കണ്ട് അത്ഭുതം തോന്നിയിട്ടുണ്ടെന്നും കുറിപ്പിലൂടെ വിമര്ശിക്കുന്നു.
കുറിപ്പിന്റെ പൂര്ണരൂപം ഇങ്ങനെ:-
മേല്വിലാസം സിനിമയിലെ ക്യാപ്റ്റന് ബി. ഡി. കപൂര് നെയാണ് കൃഷ്ണകുമാറിനെ എപ്പോ കാണുമ്പഴും ഓര്മ്മ വരുന്ന കഥാപാത്രം. സവാര് രാമചന്ദ്രനെ ജാതീയമായി അധിക്ഷേപിക്കുന്നതും അയാള്ക്കെതിരെ വളരെ ക്രൂരമായി ആരോപണങ്ങള് ഉന്നയിച്ച് ഒട്ടും കരുണയില്ലാതെ പ്രതിചേര്ക്കാന് ശ്രമിക്കുന്നതും കാണുമ്പോള് കപൂറിന്റെ പാരമ്പര്യവാദത്തെയും സവര്ണ്ണതയെയും കൃഷ്ണകുമാര് എങ്ങനെ സിനിമയില് ഉപയോഗിക്കുന്നു എന്ന് കണ്ട് അത്ഭുതം തോന്നിയിട്ടുണ്ട്. ഇയാള് ഒരു മികച്ച നടന് തന്നെ എന്ന് നിശ്ചയിച്ചുറപ്പിച്ചു.
സമീപകാലത്തായി ഇയാളുടെ ചില രാഷ്ട്രീയ സമീപനങ്ങള് കണ്ടപ്പോഴാണ് അയാള് ഒരു നടനായതുകൊണ്ടല്ല അയാള്ക്കുള്ളിലെ ജെനെറ്റിക് പെര്ഫോമന്സ് ആയിരുന്നു മേല്വിലാസത്തില് തകര്ത്താടിയതെന്ന് തിരിച്ചറിഞ്ഞത്.
വെള്ളിത്തിരയിലും ജീവിതത്തിലും സ്വത്വമാറ്റങ്ങളിലാതെ വളരെ ജൈവികമായാണ് അയാള് ജീവിക്കുന്നത്. മേല്വിലാസത്തിലെ ബി. ഡി. കപൂര് അയാള്ക്കേറ്റ കൃത്യമായ കാസ്റ്റിംഗ് തന്നെയായിരുന്നു. അത് തന്നെയാണ് അയാളുടെ ജീവിതവും.