ലെസ്ബിയൻ പ്രണയത്തിൻറെ അകവും, ചൂടും തൊട്ടറിയാൻ ‘ ഹോളി വൂണ്ട്’ എത്തുന്നു. മലയാളത്തിൽ വിപ്ലവം സൃഷ്ടിച്ചേക്കാവുന്ന ചിത്രം.

പ്രശസ്ത മോഡലും ബിഗ് ബോസ് താരവുമായ ജാനകി സുധീർ കേന്ദ്ര കഥാപാത്രമായി എത്തുന്ന പുതിയ ചിത്രമാണ് ഹോളി വൂണ്ട്. ലെസിബിയൻ പ്രണയകഥയാണ് ചിത്രം പറയുന്നത്. സഹസ്രാര സിനിമാസ് ബാനറിൽ സന്ദീപ് ആർ ആണ് ചിത്രം നിർമ്മിക്കുന്നത്. അശോക് ആർ നാഥ് സംവിധാനം ചെയ്യുന്ന ചിത്രത്തിൻ്റെ രചന പോൾ വൈക്ലിഫ് ആണ്. ഓഗസ്റ്റ് 12 മുതൽ എസ് എസ് ഫ്രെയിംസ് ഓ ടി ടി യിലൂടെ ചിത്രം പ്രദർശനത്തിന് എത്തും.

ചെറുപ്പകാലം മുതൽ പ്രണയിച്ച രണ്ടു പെൺകുട്ടികൾ വർഷങ്ങൾക്കുശേഷം വീണ്ടും കണ്ടുമുട്ടുമ്പോൾ ഉണ്ടാവുന്ന കഥയാണ് ചിത്രം പറയുന്നത്. പച്ചയായ ആവിഷ്കരണമാണ് ചിത്രത്തിൽ ഉടനീളം കാണാൻ സാധിക്കുക എന്ന റിപ്പോർട്ടുകൾ പറയുന്നു. ഒരുപക്ഷേ മലയാള സിനിമയിലെ വിപ്ലവകരമായ മാറ്റത്തിന് ഇത് തുടക്കം കുറിച്ചേക്കാം. അമൃത, സാബു പ്രൗദ്ധിൻ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തിന് സംഗീതം ഒരുക്കിയിട്ടുള്ളത് റോണി റാഫേൽ ആണ്.

ഉണ്ണി മടവൂർ ആണ് ഛായാഗ്രഹണം നിർവഹിച്ചിരിക്കുന്നത്. എസ് എസ് ആദ്യ ചിത്രം കൂടിയാണ് ഇത് എന്ന പ്രത്യേകതയുണ്ട്. ഉയർന്ന നിലവാരത്തിൽ പ്രാദേശിക സിനിമകൾക്കൊപ്പം അന്തർദേശീയ ദേശീയ ചിത്രങ്ങളും പ്രേക്ഷകർക്ക് ലഭ്യമാക്കാൻ ഇത് ലക്ഷ്യമിടുന്നുണ്ട്.

കൊല്ലത്തും പരിസരപ്രദേശങ്ങളിലുമായി ആണ് ചിത്രത്തിൻറെ ചിത്രീകരണം പൂർത്തിയാക്കിയത്. പ്രേക്ഷകർക്കിടയിൽ ഒരു പുനർചിന്തനത്തിനു സിനിമ വഴിയൊരുക്കുമെന്ന് പ്രതീക്ഷിക്കാം. ഇപ്പോഴും ഇതിൻ്റെയൊക്കെ യഥാർത്ഥ അവസ്ഥ മനസ്സിലാക്കാതെ അന്ധമായി എതിർക്കുന്നവർ ഒരുപാട് പേരുണ്ട്. അവർക്ക് വെളിച്ചം വീശാൻ ഇത് ഉപകരിക്കും എന്ന് പ്രതീക്ഷിക്കാം.