നടിയെ ആക്രമിച്ച കേസില് ദിലീപിന്റെ അഭിഭാഷകര്ക്ക് നോട്ടിസ്. നടിയുടെ പരാതിയില് ദിലീപിന്റെ അഭിഭാഷകരായ ബി രാമന്പിള്ള, ഫിലിപ്പ് ടി വര്ഗീസ്. സുജേഷ് മേനോന് എന്നിവര്ക്കാണ് ബാര് കൗണ്സില് നോട്ടിസ് അയച്ചത്.
നടിയുടെ പരാതിയില് വിശദീകരണം ആവശ്യപ്പെട്ടാണ് നോട്ടിസ് നല്കിയത്. അഭിഭാഷകര് സാക്ഷികളെ സ്വാധീനിക്കാന് ശ്രമിച്ചുവെന്നാണ് നടിയുടെ പ്രധാന പരാതി. കോടതിയെ സഹായിക്കേണ്ട അഭിഭാഷകനില് നിന്ന് നീതി തടയുന്ന പ്രവര്ത്തിയാണുണ്ടായത്. ഇക്കാര്യത്തില് അന്വേഷണം നടത്തി നടപടി വേണമെന്നും പരാതിയില് ആവശ്യപ്പെട്ടിരുന്നു.
പ്രതികളുമായി ചേര്ന്ന് 20 ലേറെ സാക്ഷികളെ അഭിഭാഷകന് കൂറുമാറ്റിയെന്നും നിയമവിരുദ്ധ പ്രവര്ത്തനം നടത്തിയ അഭിഭാഷകനെതിരെ നടപടി വേണെന്നും ആവശ്യപ്പെട്ടാണ് നടി ബാര് കൗണ്സിലിന് പരാതി നല്കിയത്. നടി ആദ്യം നല്കിയ പരാതിയില് സാങ്കേതിക പിഴവുണ്ടായിരുന്നു. കേസിലെ സാക്ഷിയായ ജിന്സനെ സ്വാധീനിക്കാന് ക്രിമിനല് കേസിലെ പ്രതിയുടെ സഹായത്തോടെ ബി രാമന് പിള്ള 25 ലക്ഷം രൂപയും 5 സെന്റ് ഭൂമിയും വാഗ്ദാനം ചെയ്തു. ഇതില് പൊലീസ് കേസ് എടുത്ത് ചോദ്യം ചെയ്യലിന് ഹാജരാകാന് ബി രാമന്പിള്ളയ്ക്ക് നോട്ടിസ് നല്കിയിട്ടും ഹാജരായില്ലെന്നും പരാതിയില് ചൂണ്ടിക്കാട്ടിയിരുന്നു.