പഞ്ചാബിലെ ലൗലി പ്രഫഷണല് സര്വകലാശാലയില് മലയാളി വിദ്യാര്ഥിയെ മരിച്ച നിലയില് കണ്ടെത്തി. ആലപ്പുഴ ചേര്ത്തല സ്വദേശി അഗിന് എസ് ദിലീപിനെയാണ് മരിച്ച നിലയില് കണ്ടെത്തിയത്. ബി ടെക് ഡിസൈന് ഒന്നാം വര്ഷ വിദ്യാര്ത്ഥിയായിരുന്നു.
ഹോസ്റ്റല് മുറിയിലാണ് മൃതദേഹം കണ്ടെത്തിയത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. ഹോസ്റ്റല് മുറിയില് നിന്ന് ആത്മഹത്യ കുറിപ്പ് കണ്ടെത്തിയതായി പൊലീസ് പറഞ്ഞു. ഹോസ്റ്റല് മുറി പൊലീസ് സീല് ചെയ്തിരിക്കുകയാണ്.
അതേസമയം, സംഭവം മറച്ചുവയ്ക്കാന് സര്വകലാശാല ശ്രമിച്ചെന്ന് വിദ്യാര്ത്ഥികള് ആരോപിച്ചു. അഗിനിന്റെ ആത്മഹത്യയില് പ്രതിഷേധവുമായി നിരവധി വിദ്യാര്ത്ഥികളാണ് രംഗത്തെത്തിയത്. കുറ്റക്കാര്ക്കെതിരെ നടപടിയെടുക്കണമെന്ന് വിദ്യാര്ത്ഥികള് ആവശ്യപ്പെടുന്നു.