സിനിമ നിരൂപണത്തെ കുറിച്ച് സംവിധായിക അഞ്ജലി മേനോന്റെ വാക്കുകള് സോഷ്യല് മീഡിയയില് വലിയ ചര്ച്ചക്കാണ് വഴി വച്ചിരിക്കുന്നത്. സിനിമയിലെ ലാഗിനെക്കുറിച്ച് സംസാരിക്കുന്നവര് സിനിമയിലെ എഡിറ്റിംഗ് എന്ന പ്രക്രിയയെക്കുറിച്ച് കുറച്ചെങ്കിലും അറിഞ്ഞിരിക്കണമെന്നായിരുന്നു അഞ്ജലി പറഞ്ഞത്.
ഇതിന് പിന്നാലെ സംവിധായികയെ പിന്തുണച്ചും വിമര്ശിച്ചും സോഷ്യല് മീഡിയയില് വാദങ്ങള് ഉയരുന്നുണ്ട്.വിഷയത്തില് സിനിമ പ്രവര്ത്തകര് തന്നെ രണ്ട് പക്ഷത്താണ്. വിഷയത്തില് പരസ്പരം വിമര്ശനം ഉന്നയിക്കുകയാണ് സിനിമ പ്രവര്ത്തകര്.
ഞാന് സിനിമ പ്രേക്ഷകനാണ്.അധ്വാനിച്ച പണം കൊണ്ട് സിനിമ കാണുന്നയാള്. സിനിമ ഡയറക്റ്റ് ചെയ്യാന് വേണ്ടി പോലും സിനിമ പഠിക്കാന് കോഴ്സ് ചെയ്തിട്ടില്ല. പിന്നെയല്ലേ അഭിപ്രായം പറയാന്-എന്നായിരുന്നു സംവിധായകന് ജൂഡ് കുറിച്ചത്. .
ഇപ്പോഴിത വിഷയത്തില് പ്രതികരിച്ച് എത്തിയിരിക്കുകയാണ് സംവിധായകന് കെപി വ്യാസന്. പ്രേക്ഷകനെ സിനിമയുടെ സാങ്കേതിക വശങ്ങള് പഠിപ്പിക്കാന് നില്ക്കാതെ നല്ല സിനിമ ചെയ്യാന് ശ്രമിക്കുകയാണ് ചലച്ചിത്ര പ്രവര്ത്തകര് ചെയ്യേണ്ടത് എന്നാണ് കെപി വ്യാസന് പറയുന്നത്.
സോഷ്യല് മീഡിയ പോസ്റ്റിലൂടെയായിരുന്നു വ്യാസന്റെ വിമര്ശനം. പോസ്റ്റിന്റെ പൂര്ണ്ണരൂപം;പുറത്തിറങ്ങുന്നത് വരെ മാത്രമാണ് സിനിമ സംവിധായകന്റേത്, നിര്മ്മാതാവിന്റെത്, നായകന്റേത്, നായികയുടേത്, മറ്റ് അണിയറ പ്രവര്ത്തകരുടേത്, റിലീസ് ചെയ്തു കഴിഞ്ഞാല് പിന്നെ ആ ചിത്രം പ്രേക്ഷകന്റേതാണ്, നൂറും ഇരുന്നൂറും 300 രൂപ(അതിലധികവും)കൊടുത്ത് അവന് കാണുന്ന സിനിമയെക്കുറിച്ച് അവന് അഭിപ്രായം പറയാന് സ്വാതന്ത്ര്യം ഇല്ലെങ്കില് പിന്നെ അവന് എന്തിന് സിനിമ കാണാന് വരണം? പ്രേക്ഷകന് ഇല്ലാതെ പിന്നെ എന്ത് സിനിമ?
പ്രേക്ഷകനെ സിനിമയുടെ സാങ്കേതിക വശങ്ങള് പഠിപ്പിക്കാന് നില്ക്കാതെ നല്ല സിനിമ ചെയ്യാന് ശ്രമിക്കുകയാണ് ചലച്ചിത്ര പ്രവര്ത്തകര് ചെയ്യേണ്ടത്, ഏതെങ്കിലും ഒരു നിരൂപകന് പൊക്കി അടിച്ചാല് ഒരു സിനിമയും ഓടില്ല, ഏതെങ്കിലും ഒരു നിരൂപകന് താഴ്ത്തി കെട്ടിയാല് ഒരു നല്ല സിനിമയും പരാജയപ്പെടുകയും ഇല്ല. പുറത്തിറങ്ങിയ സിനിമയെ ന്യായീകരിച്ച് നാണം കെടാന് നില്ക്കുന്നത് കഴിവല്ല കഴിവുകേടാണ്. എല്ലാം തികഞ്ഞവരായി ആരുമില്ല എന്ന് ആദ്യം മനസ്സില് ഉറപ്പിക്കുക. സിനിമയ്ക്ക് ഒരേ ഒരു രാജാവേ ഉള്ളൂ അത് പ്രേക്ഷകനാണ്. അത് മനസ്സിലാക്കിയാല് തീരാവുന്നതേയുള്ളൂ ഈ പഠിപ്പിക്കല്.
എന്ന്,വിശ്വസ്തതയോടെ,ആദ്യം പ്രേക്ഷകനും പിന്നെ, ചലച്ചിത്ര പ്രവര്ത്തകനുമായ ഞാന് ???? NB. ഓരോ പ്രേക്ഷകന്റെയും വിരല്ത്തുമ്പില് അവനവന്റേതായ സ്വന്തം മാധ്യമം ഉള്ള ഈ കാലത്ത് അവന്റെ പണം കൊടുത്ത് കാണുന്ന സിനിമയെ നിരൂപണം ചെയ്യാന് ആരുടെയെങ്കിലും തിട്ടൂരം അനുസരിക്കുമെന്ന് കരുതുന്നത് വിഡ്ഢിത്തം ആണ്.-എന്നാണ് കെപി വ്യാസന് കുറിച്ചത്.