മലയാളികളുടെ പ്രിയപ്പെട്ട നടനാണ് ഇന്ദ്രജിത്ത്. ഇപ്പോള് സിനിമകളില് നല്ല നല്ല കഥാപാത്രങ്ങള് ഇന്ദ്രജിത്തിന് ലഭിക്കുന്നുണ്ട്. അഭിനയം പോലെ തന്നെ യാത്രകളോടും ഒരു പ്രത്യേക ഇഷ്ടം ഈ നടന് ഉണ്ട്.
കുടുംബത്തിനൊപ്പം നിരവധി രാജ്യങ്ങള് സന്ദര്ശനം നടത്തിയിട്ടുണ്ട് ഇന്ദ്രജിത്ത്. ഇപ്പോഴിതാ തന്റെ ഒരു യാത്രക്കിടെ അപ്രതീക്ഷിതമായി കണ്ടുമുട്ടിയ ഒരാളെ കുറിച്ചാണ് ഇന്ദ്രജിത്ത് പറയുന്നത്. ആള്ക്കൊപ്പമുള്ള ഫോട്ടോയും താരം പോസ്റ്റ് ചെയ്തിട്ടുണ്ട് .
മറ്റാരുമല്ല, റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിയുമൊത്തുള്ള ചിത്രമാണ് അദ്ദേഹം പങ്കുവച്ചിരിക്കുന്നത്. ജപ്പാലിനെ ക്യോട്ടോയിലുള്ള ഒരു ട്രാഫിക് സിഗ്നലില് വച്ചാണ് അദ്ദേഹത്തെ അപ്രതീക്ഷിതമായി കണ്ടുമുട്ടിയതെന്ന് ഇന്ദ്രജിത്ത് പറയുന്നു.
2017ലെ ഒരു ശൈത്യകാല അവധിദിനമായിരുന്നു അത്. ഞാന് വളരെവേഗം ഇഷ്ടത്തിലായിപ്പോയ രാജ്യമായ ജപ്പാനില്. അവിടുത്തെ ആളുകള്, സംസ്കാരം, സൌന്ദര്യം, അച്ചടക്കം… പരിചയപ്പെടാന് ഒരുപാടുണ്ട്. പഠിക്കാനും സ്വീകരിക്കാനും. ചെറികള് പൂവിടുന്ന ഏപ്രില്, മെയ് മാസങ്ങളില് ആ രാജ്യം സന്ദര്ശിക്കുക എന്നത് ഇപ്പോഴും എന്റെ ബക്കറ്റ് ലിസ്റ്റില് ഉണ്ട്. ദൈവാനുഗ്രഹത്താല് അത് വൈകാതെ നടക്കും. ക്യോട്ടോയിലെ ഒരു ട്രാഫിക് സിഗ്നലില് വച്ച് അവിചാരിതമായി ആരെയാണോ ഞാന് കണ്ടുമുട്ടിയതെന്നറിയാന് അവസാന ചിത്രം കാണുക, ചിത്രങ്ങള്ക്കൊപ്പം ഇന്സ്റ്റഗ്രാമില് ഇന്ദ്രജിത്ത് കുറിച്ചു.