ജലദോഷം പിടിപെട്ടതിനെ തുടര്ന്ന് 20 വര്ഷത്തെ ഓര്മ നഷ്ടപ്പെട്ട് യുവതി. യുകെയിലെ എസ്സെക്സ് സ്വദേശിനിയായ ക്ലേരെ മുഫറ്റ് റീസ് എന്ന യുവതിക്കാണ് ഓര്മ നഷ്ടപ്പെട്ടത്.
2021ലെ ഒരു രാത്രിയിലാണ് ആ സംഭവം. ഉറങ്ങാന് കിടക്കുന്നതിന് മുന്പ് ക്ലേരെയ്ക്ക് ചില അസ്വസ്ഥതകള് അനുഭവപ്പെട്ടു. സാധാരണ ജലദോഷമെന്ന് കരുതി ഉറങ്ങാന് കിടന്നു. എന്നാല് പിറ്റേദിവസം മുതല് ക്ലേരെ അബോധാവസ്ഥയിലായി. തുടര്ന്ന് പതിനാറ് ദിവസം കോമയിലായിരുന്നു. ബോധം വന്നപ്പോള് ക്ലേരെയുടെ 20 വര്ഷത്തെ ഓര്മ നഷ്ടപ്പെട്ടിരുന്നു. രണ്ട് കുട്ടികളുണ്ടെങ്കിലും അവരുടെ പേര് ക്ലേരെ മറന്നുപോയി. അവരുടെ ജന്മദിനമോ സ്കൂളിലെ ആദ്യ ദിനമോ ഓര്മയില്ല. ഭര്ത്താവ് സ്കോട്ടിനെ ഒരു അപരിചിതനെ പോലെയാണ് ക്ലേരെ നോക്കിയത്.
തലച്ചോറിനെ ബാധിക്കുന്ന എന്കഫലൈറ്റസ് എന്ന അവസ്ഥയാണ് ക്ലേരെയ്ക്കുണ്ടായത്. ദീര്ഘനാള് നീണ്ടു നില്ക്കുന്ന അലര്ജിയിലൂടെയാണ് ഈ അവസ്ഥ ഉണ്ടാകുന്നത്. തലച്ചോറിലുണ്ടായ അണുബാധയാണ് ഓര്മ നഷ്ടമാകാന് കാരണമായത്. പഴയ കാര്യങ്ങള് ഓര്ത്തെടുക്കാനുള്ള ശ്രമത്തിലാണ് ക്ലേരെയിപ്പോള്. പിന്തുണയുമായി ഭര്ത്താവും മക്കളും കൂടെയുണ്ട്.