എന്തുകൊണ്ട് ദുല്‍ഖര്‍ ലിപ് ലോക്ക് ചെയ്യുന്നില്ല; സോഷ്യല്‍ മീഡിയയില്‍ ചൂടന്‍ ചര്‍ച്ച

സ്വന്തം കഴിവുകൊണ്ട് തന്നെ മലയാള സിനിമയില്‍ വലിയൊരു സ്ഥാനം നേടിയെടുക്കാന്‍ നടന്‍ ദുല്‍ഖര്‍ സല്‍മാന് കഴിഞ്ഞു. ഇന്ന് മറ്റു ഭാഷകളിലും ഈ താരപുത്രന്‍ തിളങ്ങുന്നു. ദുല്‍ഖറിന്റെ സീതാരാമം എന്ന ചിത്രം വന്‍ ഹിറ്റ് ആയിരിക്കുകയാണ്. പ്രേക്ഷകര്‍ ഇരുകൈയ്യും നീട്ടിയാണ് ഈ സിനിമ സ്വീകരിച്ചത്. ഇതിന് പിന്നാലെ താരത്തിന്റെ റിലീസ് ചെയ്ത ബോളിവുഡ് ചിത്രവും മികച്ച പ്രതികരണം നേടി. അങ്ങനെ പ്രണയ നായകനായി നിരവധി സിനിമകളില്‍ എത്തിയെങ്കിലും. ഇതുവരെ ലിപ് ലോക് രംഗങ്ങളിലൊന്നും താരത്തെ കണ്ടില്ല. ഈ ഒരു സാഹചര്യത്തില്‍ സിനിമ ഗ്രൂപ്പില്‍ ഇതേക്കുറിച്ചുള്ള ചര്‍ച്ചയാണ് നടക്കുന്നത്.

സിനിമ അങ്ങനെ ഒരു രംഗം ആവശ്യപ്പെടുന്നുണ്ടെങ്കിലും ദുല്‍ഖര്‍ അത് ചെയ്യുന്നില്ല. പകരം അത്തരമൊരു രംഗം വരുമ്പോള്‍ ക്യാമറ തലയുടെ ബാക്കില്‍ പോവുകയോ പൂക്കളുടെ ഇടയില്‍ പോവുകയോ ചെയ്യുന്നു എന്നാണ് ഒരു പോസ്റ്റില്‍ പറയുന്നത്. അവസാന ചിത്രത്തില്‍ പോലും അങ്ങനെയാണെന്ന് ചൂണ്ടിക്കാട്ടുന്നു. സിനിമയില്‍ അത്തരം രംഗങ്ങള്‍ ആവശ്യമാണെങ്കില്‍ പാന്‍ ഇന്ത്യന്‍ താരമായ ദുല്‍ഖര്‍ അത് ചെയ്യാന്‍ മടി കാട്ടരുത് എന്ന് പറഞ്ഞാണ് പോസ്റ്റ് അവസാനിക്കുന്നത്.

എന്നാല്‍ ഇതിന് എതിര്‍ അഭിപ്രായം പറഞ്ഞും ചിലര്‍ കമന്റ് ഇട്ടു. ഒരാളുടെ അഭിനയം കാണിക്കാന്‍ അത്തരമൊരു രംഗം ആവശ്യമാണ് എന്ന് ഇല്ലല്ലോ. ലിപ് ലോക് രംഗങ്ങളില്‍ അഭിനയിക്കാതെ തന്നെ മികച്ച നടനാണെന്ന് ദുല്‍ഖര്‍ തെളിയിച്ചു കഴിഞ്ഞു എന്നും ചിലര്‍ പറയുന്നു.

എന്നാല്‍ താന്‍ ഇനി പ്രണയ ചിത്രങ്ങളിലും റൊമാന്റിക് രംഗങ്ങളില്‍ ഒന്നും അഭിനയിക്കുന്നില്ലെന്ന് ദുല്‍ഖര്‍ നേരത്തെ പറഞ്ഞിരുന്നു. തനിക്ക് അത്തരം കഥാപാത്രങ്ങളോട് താല്പര്യം ഇല്ലെന്നാണ് നടന്‍ വ്യക്തമാക്കിയത്.