ഡിലിറ്റ് വിവാദത്തില് മുതിര്ന്ന കോണ്ഗ്രസ് നേതാവും മുന് പ്രതിപക്ഷ നേതാവുമായ രമേശ് ചെന്നിത്തലയെ തള്ളി പ്രതിപക്ഷ നേതാവ് വി.ഡി. സതീശന്. മുതിര്ന്ന നേതാവായ ചെന്നിത്തലക്ക് അഭിപ്രായം പറയാം. എന്നാല് താനും കെ.പി.സി.സി. പ്രസിഡന്റും പറയുന്നതാണ് പാര്ട്ടി നിലപാട്. ഡി ലിറ്റ് വിഷയത്തില് പാര്ട്ടിയില് ഭിന്നതയില്ലെന്നും അദ്ദേഹം പറഞ്ഞു.
കോണ്ഗ്രസിലെ നേതാക്കളുമായി ചര്ച്ച ചെയ്താണ് അഭിപ്രായം പറഞ്ഞത്. കെപിസിസി പ്രസിഡന്റും പ്രതിപക്ഷ നേതാവും രണ്ട് അഭിപ്രായം പറഞ്ഞിട്ടില്ല. ഇതുവരെ ഒരു കാര്യത്തിലും രണ്ടഭിപ്രായം പറഞ്ഞിട്ടില്ല. കൂടിയാലോചന നടത്തി ഒറ്റ അഭിപ്രായമേ പറയാറുള്ളൂയെന്നും അദ്ദേഹം കൂട്ടിച്ചേര്ത്തു.
ഡിലിറ്റ് വിവാദവുമായി ബന്ധപ്പെട്ട് ഗവര്ണര് ആരിഫ് മുഹമ്മദ് ഖാന് പദവി ദുരുപയോഗം ചെയ്തെന്നും വി.ഡി സതീശന് പറഞ്ഞു. ഗവര്ണര് വിമര്ശനത്തിന് അതീതനല്ല. വി.സിയുടെ ചെവിയില് പറയേണ്ടതല്ല നിയമവിഷയങ്ങളെന്നും ഉത്തരവാദിത്തം നിര്വഹിക്കുന്നില്ലെങ്കില് നിയമ നടപടി സ്വീകരിക്കുമെന്നും വി.ഡി സതീശന് പറഞ്ഞു.