റഷ്യ വൈകാതെ നാറ്റോ രാജ്യങ്ങളെയും ആക്രമിക്കുമെന്ന് മുന്നറിയിപ്പ് നല്കി യുക്രൈന് പ്രസിഡന്റ് വൊളൊദിമിര് സെലന്സ്കി. റഷ്യക്ക് എതിരെ പ്രതിരോധം ശക്തമാക്കണമെന്നും ആക്രമണം ഉണ്ടാകാതിരിക്കാനുള്ള ഏക വഴി യുക്രൈനുമേല് വ്യോമനിരോധന മേഖല പ്രഖ്യാപിക്കുകയാണെന്നും സെലന്സ്കി പറഞ്ഞു.
അതിനിടെ പോളണ്ട് അതിര്ത്തിയോട് ചേര്ന്ന സൈനിക താവളം റഷ്യ ആക്രമിച്ചതില് കടുത്ത പ്രതിഷേധവുമായി അമേരിക്ക രംഗത്തെത്തി. ആക്രമണത്തെ ശക്തമായി അപലപിച്ച യുഎസ് റഷ്യ ആക്രമണം അവസാനിപ്പിക്കണമെന്നും ആവശ്യപ്പെട്ടു. പോളണ്ട്-യുക്രൈന് അതിര്ത്തിക്ക് സമീപമുള്ള യവോരിവ് നഗരത്തിലാണ് റഷ്യ ആക്രമണം നടത്തിയത്. ഇവിടെ 35 പേര് കൊല്ലപ്പെടുകയും 134 പേര്ക്ക് പരുക്കേല്ക്കുകയും ചെയ്തിരുന്നു.
പോളണ്ട് അതിര്ത്തിയില് നിന്ന് 25 കിലോമീറ്റര് മാത്രം അകലെയാണ് വ്യോമാക്രമണം നടന്നത് എന്നതുകൊണ്ട് ഇത് സംഘര്ഷത്തിന്റെ ഗുരുതരാവസ്ഥ കൂട്ടുന്നുവെന്ന് ബ്രിട്ടന് ആശങ്കയറിയിക്കുന്നുണ്ട്. റഷ്യയുടെ അധിനിവേശം നാറ്റോ സഖ്യരാജ്യത്തിന് നേര്ക്കുവന്നാല് കൂട്ടായ സംരക്ഷണമുണ്ടാകുമെന്ന് അമേരിക്കന് പ്രസിഡന്റ് ജോ ബൈഡനും മുന്നറിയിപ്പ് നല്കി.