വൈറലായി ടോവിനോ പോസ്റ്റ്‌ ചെയ്ത “യൂ”, അമ്പരന്ന് സോഷ്യൽ മീഡിയ

മലയാളികൾക്ക് ഏറെ പ്രിയപ്പെട്ട യുവ താരങ്ങളിലൊരാളാണ് നടൻ ടോവിനോ തോമസ്. കഴിഞ്ഞ പ്രളയ കാലത്ത് ആയിരുന്നു താരത്തിന് ഒരു റിയൽ ലൈഫ് ഹീറോ പരിവേഷം ലഭിക്കുന്നത്. അതുകൊണ്ട് തന്നെയാണ് കേരള സർക്കാരിൻറെ സന്നദ്ധസംഘടനയുടെ ബ്രാൻഡ് അംബാസിഡറായി ടോവിനോ തോമസിനെ തന്നെ നിയമിച്ചത്. ഇപ്പോൾ ടോവിനോ തോമസ് ഫേസ്ബുക്കിൽ പോസ്റ്റ് ചെയ്തിരിക്കുന്ന ഒരു ഇംഗ്ലീഷ് അക്ഷരം ആണ് ചർച്ചാവിഷയമായി മാറിയിരിക്കുന്നത്. U എന്ന അക്ഷരം മാത്രമാണ് ടോവിനോ തോമസ് പോസ്റ്റ് ചെയ്തിരിക്കുന്നത്. ഇത് എന്തായിരിക്കും എന്ന ആകാംക്ഷയിലാണ് മലയാളികൾ ഇപ്പോൾ.

അന്വേഷണം മലയാളികൾ തുടങ്ങിക്കഴിഞ്ഞിരിക്കുന്നു. പലവിധ നിഗമനങ്ങളിൽ ആണ് മലയാളികൾ ഇപ്പോൾ എത്തിച്ചേർന്നിരിക്കുന്നത്. ടോവിനോ തോമസ് സ്വന്തമായി ഒരു പ്രൊഡക്ഷൻ കമ്പനി തുടങ്ങാൻ പോകുന്നു എന്നാണ് പലരുടെയും നിഗമനം. നടൻ ദുൽഖർ സൽമാൻ, ഉണ്ണി മുകുന്ദൻ, പൃഥ്വിരാജ്, സണ്ണി വെയിൻ എന്നിവർ സ്വന്തമായി പ്രൊഡക്ഷൻ കമ്പനി തുടങ്ങി കഴിഞ്ഞിരിക്കുന്നു. അതുകൊണ്ടുതന്നെ ഇവരുടെ കൂട്ടത്തിലേക്ക് ഇനി ടോവിനോയും വരുമെന്നാണ് പ്രേക്ഷകർ പ്രതീക്ഷിക്കുന്നത്.

ഇതിനു പുറമേ വേറെ ഒരുപാട് നിഗമനങ്ങൾ മലയാളികൾ കണ്ടെത്തി കഴിഞ്ഞു. ഇനി വരാൻ പോകുന്ന സിനിമയുടെ ഒഫീഷ്യൽ അനൗൺസ്മെൻറ് സൂചനകളാണ് ഇത് എന്നാണ് ഒരു കൂട്ടരുടെ വാദം. അതുകൊണ്ടുതന്നെ ഈ ചിത്രത്തെ സംബന്ധിച്ചുള്ള ചർച്ചകൾ തുടങ്ങിക്കഴിഞ്ഞു. ആരായിരിക്കും സംവിധായകൻ? ബിഗ് ബജറ്റ് ചിത്രം ആയിരിക്കുമോ? എന്നതിനെ സംബന്ധിച്ചുള്ള ചർച്ചകൾ സജീവമായി ആരംഭിച്ചുകഴിഞ്ഞു.

ടോവിനോ തോമസ് ഇനിമുതൽ U സർട്ടിഫിക്കറ്റ് സിനിമകളിൽ മാത്രമേ അഭിനയിക്കുകയുള്ളൂ എന്ന തീരുമാനം എടുത്തിരിക്കുകയാണ് എന്നാണ് മറ്റൊരു കൂട്ടം ആളുകളുടെ കണ്ടെത്തൽ. ഇനി അതുമല്ല, ടോവിനോ തോമസ് നായകനായി പുറത്തിറങ്ങാൻ പോകുന്ന ഏറ്റവും പുതിയ ചിത്രത്തിന് U സർട്ടിഫിക്കറ്റ് ലഭിച്ചിരിക്കുന്നു എന്ന സന്ദേശമാണ് ഇതിലൂടെ നൽകുന്നത് എന്നും കണ്ടെത്തിയിരിക്കുന്നവർ ചുരുക്കമല്ല. അങ്ങനെയാണെങ്കിൽ കള എന്ന ചിത്രത്തിനു ആയിരിക്കും ഇത്തരത്തിൽ U സർട്ടിഫിക്കറ്റ് ലഭിച്ചിട്ടുള്ളത്.

എന്തായാലും സൂചനകളൊന്നും തന്നെ നൽകാതെ തന്നെ U എന്ന അക്ഷരം മിനിറ്റുകൾക്കുള്ളിൽ തന്നെ കയറി അങ്ങ് ഹിറ്റ് ആയിരിക്കുകയാണ്. നിരവധി ആളുകളാണ് ഇത് ഷെയർ ചെയ്തിരിക്കുന്നത്. എന്താണ് U എന്ന് കമൻറ് ബോക്സിൽ ആരായുന്നവരും ചില്ലറയൊന്നുമല്ല. എന്തായിരിക്കും U എന്നതിനെ സംബന്ധിച്ചുള്ള സൂചനകൾ വരുന്ന ദിവസം ടോവിനോ തോമസ് തന്നെ പങ്കുവയ്ക്കും എന്നാണ് പ്രേക്ഷകർ പ്രതീക്ഷിക്കുന്നത്.