മലയാളത്തിൽ അപ്രതീക്ഷിത വിജയം നേടിയ സിനിമകളിൽ ഒന്നായിരുന്നു മാളികപ്പുറം. ഈ സിനിമയുടെ തിരക്കഥാകൃത്ത് അഭിലാഷ് പിള്ള ആയിരുന്നു. സംവിധായകൻ വിഷ്ണു ശശി ശങ്കർ ആയിരുന്നു. ഇവർ രണ്ടുപേരും വീണ്ടും ഒന്നിക്കുകയാണ്. അർജുൻ അശോകൻ ആണ് ഈ സിനിമയിലേ കേന്ദ്ര കഥാപാത്രത്തെ അവതരിപ്പിക്കുന്നത്. അപർണ ദാസ് ആണ് സിനിമയിൽ നായികയായി എത്തുന്നത്. അതേസമയം സുമതി വളവ് എന്നാണ് സിനിമയ്ക്ക് പേരിട്ടിരിക്കുന്നത്.
കഴിഞ്ഞദിവസമായിരുന്നു സിനിമയുടെ ടൈറ്റിൽ ലോഞ്ച്. അപർണ അടക്കമുള്ളവർ പരിപാടിയിൽ പങ്കെടുത്തിരുന്നു. ഇതിൽ ചില മാധ്യമപ്രവർത്തകർ നടിയോട് ചോദിച്ച ചോദ്യങ്ങളും അതിന് നടി നൽകിയ ഉത്തരങ്ങളും ആണ് ഇപ്പോൾ സമൂഹം മാധ്യമങ്ങളിൽ ശ്രദ്ധിക്കപ്പെട്ടു കൊണ്ടിരിക്കുന്നത്.
അടുത്തിടെ ആയിരുന്നു നടി അപർണയുടെ വിവാഹം കഴിഞ്ഞത്. സിനിമയിൽ തന്നെയുള്ള ദീപക് പറമ്പോലിനെ ആയിരുന്നു നടി വിവാഹം ചെയ്തത്. വിവാഹം കഴിഞ്ഞിട്ട് ഹണിമൂൺ ഒന്നും പോയില്ലേ എന്നായിരുന്നു ഓൺലൈൻ മാധ്യമങ്ങൾ ചോദിച്ചത്. ഇതിന് നടി നൽകിയ ഉത്തരം ആണ് ഇപ്പോൾ ശ്രദ്ധിക്കപ്പെടുന്നത്.
“വിവാഹത്തിനുശേഷം വലിയ മാറ്റങ്ങൾ ഒന്നും ഉണ്ടായിട്ടില്ല. എല്ലാം പഴയതുപോലെ തന്നെയാണ്. കുറച്ചുകാലമായി അറിയാമല്ലോ, നമ്മളും ഹാപ്പിയാണ്. എല്ലാ ചടങ്ങുകളും കഴിഞ്ഞു. ഇനി ജോലിയിൽ ശ്രദ്ധിക്കണം. ഹണിമൂൺ ഒന്നും പോയിട്ടില്ല. അതിനുള്ള സമയം ഒന്നും കിട്ടിയിട്ടില്ല. ഇനി വേണം പോകാൻ. എവിടേക്ക് എന്നൊക്കെ ഇനി വേണം തീരുമാനിക്കാം. നിങ്ങൾക്ക് കൂടുതൽ അറിയാൻ ദീപക് ഏട്ടനോട് ചോദിക്ക്. ദീപക് ഏട്ടൻ അങ്ങനെയെങ്കിലും പറഞ്ഞു ഞാൻ അറിയട്ടെ. സിംഗപ്പൂരിൽ പോയെന്ന് ഒക്കെ ആരാണ് പറഞ്ഞത്, എപ്പോൾ പറഞ്ഞു?” – അപർണ മാധ്യമങ്ങളോട് ചോദിക്കുന്നു.