തമിഴ്നാട് കോയമ്പത്തൂര് സ്വദേശിയായ വിദ്യാര്ത്ഥി യുക്രൈന് സൈന്യത്തില് ചേര്ന്നതായി റിപ്പോര്ട്ട്. സായി നികേഷ് രവിചന്ദ്രന് എന്ന വിദ്യാര്ത്ഥിയാണ് യുദ്ധ മുന്നണിയില് സൈന്യത്തിനൊപ്പം ചേര്ന്നത്. ഖാര്കിവ് എയറോനോട്ടിക്കല് സര്വകലാശാലയില് വിദ്യാര്ത്ഥിയാണ് സായി നികേഷ്. ഇന്റര്നാഷണല് ലീജിയണ് ഫോര് ടെറിറ്റോറിയല് ഡിഫെന്സില് ചേര്ന്നതായാണ് വിവരം.
സൈനിക യൂണിഫോമില് ആയുധങ്ങളുമായി നില്ക്കുന്ന ചിത്രം സായി ഫേസ്ബുക്കില് പോസ്റ്റ് ചെയ്തിട്ടുണ്ട്. കോയമ്പത്തൂരിലെ സായി നികേഷിന്റെ വീട്ടിലെത്തി ഇന്റലിജന്സ് ഉദ്യോഗസ്ഥര് വിവരം ശേഖരിച്ചു.
2018ലാണ് സായി നികേഷ് യുക്രൈനിലേക്ക് പോയത്. കോയമ്പത്തൂരിലെ തുടിയലൂര് സ്വദേശിയാണ് 21കാരനായ സായി നികേഷ്. സ്കൂള് പഠനം അവസാനിച്ച ശേഷം രണ്ടു തവണ ഇന്ത്യന് സേനയില് ചേരാന് സായി നികേഷ് ശ്രമിച്ചിരുന്നെങ്കിലും ഫലം കണ്ടില്ലെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.