കൊച്ചി: കേരളം ഒന്നടങ്കം കാത്തിരുന്ന വാര്ത്ത ചൊവ്വാഴ്ച ഉച്ചതിരിഞ്ഞാണ് എത്തിയത്. 20 മണിക്കൂറുകളുടെ തിരച്ചിലുകള്ക്ക് ഒടുവില് അബിഗേല് സാറാ റെജിയെ കണ്ടെത്തി.
പോലീസും ജനങ്ങളും ഒന്നടങ്കം തെരച്ചില് ശക്തമാക്കിയതോടെ കുട്ടിയെ കൊല്ലം ആശ്രാമം മൈതാനത്ത് ഉപേക്ഷിച്ച് പ്രതികള് കടന്നു കളയുകയായിരുന്നു.
കുട്ടിയെ കിട്ടിയതിന്റെ സന്തോഷം വീട്ടുകാരും ബന്ധുക്കളും നാട്ടുകാരും അറിയിച്ചു. ഇതിനിടെ കുട്ടിയെ കണ്ടെത്തിയതില് മാധ്യമങ്ങളുടെ പങ്ക് എടുത്തു പറയുകയാണ് നടന് ഷെയ്ന് നിഗം.
കേരളം ഉറ്റുനോക്കിയ ആ സന്തോഷ വാര്ത്ത വന്നിരിക്കുന്നു അബിഗെലിനെ കൊല്ലം ആശ്രാമം മൈതാനത്ത് വെച്ച് തിരികെ കിട്ടി. രണ്ടു കാര്യങ്ങളാണ് ഇക്കാര്യത്തില് പറയാനുള്ളതെന്ന് പറഞ്ഞാണ് മാധ്യമങ്ങളെ ഷെയ്ന് പ്രശംസിക്കുന്നത്.
സോഷ്യല് മീഡിയ പോസ്റ്റിലൂടെയായിരുന്നു ഷെയിനിന്റെ പ്രതികരണം-
കേരളം ഉറ്റുനോക്കിയ ആ സന്തോഷ വാര്ത്ത വന്നിരിക്കുന്നു അബിഗെലിനെ കൊല്ലം ആശ്രാമം മൈതാനത്ത് വെച്ച് തിരികെ കിട്ടി.രണ്ടു കാര്യങ്ങളാണ് ഇക്കാര്യത്തില് പറയാനുള്ളത്.
1. കുട്ടിയെ തിരിച്ചറിയാന് മാധ്യമ പ്രവര്ത്തകരുടെ പങ്കാണ് പ്രധാനം. ഇന്നലെ മുതല് മാധ്യമങ്ങള് കേട്ടു വന്ന സകല കുത്തുവാക്കുകളും ഭേദിച്ച് അവര് നടത്തിയ പ്രചാരണം കുട്ടിയെ കണ്ടെത്താനും തിരിച്ചറിയാനും സഹായിച്ചു എന്നതില് തര്ക്കമില്ല.
2. കൊല്ലം ആശ്രാമം പോലെ ഉള്ള ഒരു പ്രധാന ഭാഗത്ത് പട്ടാപകല് ഇത്രയും പോലീസ് പരിശോധനകള് ഭേദിച്ച് ഈ കുഞ്ഞുമായി വാഹനത്തില് അവര് എത്തിയത് ആശങ്ക ഉളവാക്കുന്നു.
സന്തോഷ വാര്ത്തയോടൊപ്പം ഇതിന്റെ പിന്നില് പ്രവര്ത്തിച്ചവരെ കണ്ടെത്താന് പോലീസിന് സാധിക്കട്ടെ. ????????