മമ്മൂട്ടിയുമല്ല നിവിനുമല്ല, പൊന്നിയിൻ സെൽവന് ചെക്ക് വെക്കാൻ മേ ഹൂം മൂസ. പോരാട്ടത്തിന് അരങ്ങൊരുക്കി തീയേറ്ററുകൾ.

കുറച്ച് ആഴ്ചകൾക്കു ശേഷം ഒരുപിടി ചിത്രങ്ങൾ ഒരുമിച്ച് തീയറ്ററുകളിൽ എത്തുകയാണ്. മണിരത്നം സംവിധാനം ചെയ്യുന്ന ഏറ്റവും പുതിയ ചിത്രം ആണ് പൊന്നിയിൻ സെൽവൻ. ചിത്രത്തിൽ വിക്രം, ഐശ്വര്യാറായി, തൃഷ, ജയം രവി, ഐശ്വര്യ ലക്ഷ്മി, ജയറാം തുടങ്ങിയ വമ്പൻ താരനിരയാണ് ഒരുമിക്കുന്നത്.

ഒരു ചെറിയ ഇടവേളക്കുശേഷമാണ് മണ്ണിരത്നം സംവിധാനം ചെയ്ത ചിത്രം തീയറ്ററുകളിൽ എത്തുന്നത്. ഒരു ബിഗ് ബജറ്റ് ചിത്രമാണ് ഇത്. ഇതേ പേരിലുള്ള പ്രശസ്ത തമിഴ് നോവലിനെ ആസ്പദമാക്കിയാണ് ചിത്രം ഒരുങ്ങുന്നത്. മണിരത്നം ഏറെ പ്രതീക്ഷ വെച്ചുപുലർത്തുന്ന ചിത്രം കൂടിയാണ് ഇത് എന്നാണ് റിപ്പോർട്ടുകൾ. മലയാളത്തിൽ നിന്നും ഉള്ള പ്രധാന റിലീസ് മേ ഹൂം മൂസയാണ്.

സുരേഷ് ഗോപിയെ നായകനാക്കി ജിബു ജേക്കബ് സംവിധാനം ചെയ്യുന്ന കോമഡി ത്രില്ലർ ആണ് ചിത്രം. കോൺഫിഡൻസ് ഗ്രൂപ്പ് ആൻഡ് തോമസ് തിരുവല്ല ഫിലിംസ് ബാനറിൽ ഡോക്ടർ സി ജെ റോയ് തോമസ് തിരുവല്ല എന്നിവർ ചേർന്നാണ് ചിത്രം നിർമ്മിക്കുന്നത്. പട്ടാളക്കാരനായ മലപ്പുറം പൊന്നാനി കാരൻ മൂസ എന്ന കഥാപാത്രത്തെയാണ് ചിത്രത്തിൽ സുരേഷ് ഗോപി അവതരിപ്പിക്കുന്നത്.

ചിത്രത്തിൻറെ ട്രെയിലർ ഏറെ ശ്രദ്ധ നേടിയിരുന്നു. അതേസമയം നിവിൻ പോളി നായകനാകുന്ന സാറ്റർഡേ നൈറ്റ് എന്ന സിനിമയുടെ പ്രദർശന തീയതി നീട്ടി വെച്ചിരുന്നു. തമിഴ് ചിത്രമായ വിക്രം വേദയുടെ റീമേക്ക് ഹിന്ദി പതിപ്പ് തിയേറ്ററുകളിൽ എത്തുന്നുണ്ട്.