വെള്ള ലെഹങ്കയാണ് നിമിഷയുടെ ചിത്രങ്ങളിലെ വേഷം; ഓണം ഫോട്ടോഷൂട്ടുമായി നിമിഷ

മലയാളം ബിഗ് ബോസ് സീസണ്‍ ഫോറിന്‍ മത്സരിക്കാന്‍ എത്തിയതോടെയാണ് നടിയും മോഡലുമായ നിമിഷ കൂടുതല്‍ ശ്രദ്ധിക്കപ്പെട്ടത്. വസ്ത്രധാരണയുടെ പേരില്‍ പലപ്പോഴും നിമിഷക്ക് നേരെ വിമര്‍ശനം ഉയര്‍ന്നിരുന്നു. എന്നാല്‍ എല്ലാവര്‍ക്കും വളരെ മനോഹരമായ രീതിയില്‍ തന്നെ മറുപടി കൊടുക്കാറുണ്ട് നിമിഷ.

നിരന്തരം ചാനല്‍ പരിപാടികളില്‍ നിമിഷം സാന്നിധ്യമാകുന്നുണ്ട്. മിസ് കേരള 2021 ഫൈനലിസ്റ്റാണ് നിമിഷ. നിയമവിദ്യാര്‍ഥിയായ നിമിഷ ആര്‍ട്ടിസ്റ്റും മോഡലുമായും ശ്രദ്ധ നേടിയിട്ടുണ്ട്.

ബിഗ് ബോസ് വീടിന് പുറത്ത് വീണ്ടും മോഡലിങ് രംഗത്ത് സജീവമാണ് താരം. ബോള്‍ഡ് ലുക്കിലടക്കം എത്താന്‍ മടി കാണിക്കാത്ത നിമിഷയുടെ പുത്തന്‍ ഫോട്ടോഷൂട്ട് ചിത്രങ്ങളാണ് ആരാധകര്‍ ഏറ്റെടുക്കുന്നത്. നാടന്‍ വേഷത്തില്‍ കിടിലന്‍ ഓണം ഫോട്ടോഷൂട്ടുമായാണ് നിമിഷ എത്തുന്നത്. വെള്ള ലെഹങ്കയാണ് നിമിഷയുടെ ചിത്രങ്ങളിലെ വേഷം. കൈയ്യില്‍ പൂക്കൂടയുമായി ആണ് നിമിഷ ചിത്രങ്ങള്‍ക്ക് പോസ് ചെയ്തിരിക്കുന്നത് .

അതേസമയം ഇത്തവണത്തെ മലയാളം ബിഗ് ബോസ് ചര്‍ച്ച ചെയ്യപ്പെട്ടതുപോലെ മറ്റൊരു സീസണും ചര്‍ച്ച ചെയ്തിട്ടുണ്ടാവില്ല. സീസണ്‍ ഫോറിലെ എല്ലാ മത്സരാര്‍ത്ഥികളും മികച്ചവര്‍ തന്നെയായിരുന്നു. ഫൈനല്‍ റൗണ്ട് വരെ എത്തണം എന്ന വാശിയോട് കൂടി തന്നെയാണ് ഷോയിലേക്ക് പ്രവേശിച്ചതും. എന്നാല്‍ അപ്രതീക്ഷിതമായി ചിലരൊക്കെ പുറത്തു പോകേണ്ടി വന്നു. മറ്റു ചിലരെ പുറത്താക്കേണ്ടി വന്നു.