ഏറ്റവും മിസ് ചെയ്യുന്ന വ്യക്തി എംആർപി – മമ്മൂക്കയ്ക്കൊപ്പം ഉള്ള അനുഭവം, വിവാഹം എപ്പോഴാണ്, ആന കുത്താൻ വന്നാൽ എന്തു ചെയ്യും – ചോദ്യങ്ങൾക്ക് മറുപടിയുമായി നിഖില വിമൽ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് നിഖില വിമൽ. ഭാഗ്യദേവത എന്ന സത്യൻ അന്തിക്കാട് ചിത്രത്തിലൂടെ ആയിരുന്നു താരം അരങ്ങേറിയത്. പിന്നീട് ദിലീപ് കേന്ദ്ര കഥാപാത്രത്തെ അവതരിപ്പിച്ച ലവ് 24*7 എന്ന ചിത്രത്തിലൂടെയായിരുന്നു കാരണം ശ്രദ്ധിക്കപ്പെടുന്ന ഒരു വേഷം ചെയ്തത്. പിന്നീട് അരവിന്ദൻറെ അതിഥികൾ എന്ന ചിത്രത്തിലെ വേഷവും ഏറെ ശ്രദ്ധിക്കപ്പെട്ടു. മമ്മൂട്ടി നായകനായി പുറത്തിറങ്ങിയ ദി പ്രീസ്റ്റ് എന്ന ചിത്രത്തിലെ കേന്ദ്ര കഥാപാത്രം നിഖില തന്നെയായിരുന്നു. ഇപ്പോൾ മലയാള സിനിമയിലെ മുൻനിര താരങ്ങളിൽ ഒരാളാണ് നിഖില വിമൽ.

ഇപ്പോൾ ഇൻസ്റ്റഗ്രാമിൽ ഒരു ചോദ്യോത്തരവേള നടത്തുകയാണ് നിഖില. ആരാധകർക്ക് അവരുടെ പ്രിയപ്പെട്ട താരത്തോട് ചോദിക്കാൻ ഇഷ്ടമുള്ള ചോദ്യങ്ങൾ ചോദിക്കാനുള്ള അവസരമാണ് ഇത്. രസകരമായ നിരവധി ചോദ്യങ്ങളാണ് വന്നുകൊണ്ടിരിക്കുന്നത്. ഇതിനെല്ലാം ഉരുളയ്ക്കുപ്പേരി പോലെ താരം മറുപടി നൽകുന്നുണ്ട്. എന്തായാലും ചോദ്യങ്ങളും ഉത്തരങ്ങളും എല്ലാം തന്നെ വൈറലായി മാറിയിരിക്കുകയാണ് ഇപ്പോൾ.

നിങ്ങളുടെ ലൈഫിൽ ഏറ്റവും കൂടുതൽ മിസ് ചെയ്യുന്ന വ്യക്തി ആരാണ്? – ഇതായിരുന്നു ഒരു ചോദ്യം. ഇതിന് നിഖില നൽകിയ ഉത്തരം ഇങ്ങനെ ആയിരുന്നു – എംആർപി. ഈ ഉത്തരം വന്നതോടെ ആരാണ് എംആർപി എന്ന ആകാംക്ഷയിൽ ആയി ആരാധകർ. മറ്റൊരു വ്യക്തി ചോദിച്ചതും എംആർപി ആരാണ് എന്ന ചോദ്യം ആയിരുന്നു. അതിന് നിഖില വിമൽ നൽകിയ ഉത്തരം ഇങ്ങനെ ആയിരുന്നു – “അച്ഛൻ”.

മമ്മൂക്കയ്ക്കൊപ്പം ഉള്ള അനുഭവം എങ്ങനെയായിരുന്നു എന്ന ചോദ്യത്തോട് താരം വളരെ രസകരമായി ആണ് പ്രതികരിച്ചത്. പ്രത്യേകിച്ച് ഉത്തരമൊന്നും പറയാതെ അനുഭവം വളരെ മികച്ചതായിരുന്നു എന്ന രീതിയിൽ ഒരു സ്റ്റിക്കർ ഇടുക മാത്രമാണ് താരം ചെയ്തത്. മാരേജ് എപ്പോഴാണ് എന്നായിരുന്നു മറ്റൊരു വ്യക്തി ചോദിച്ച ചോദ്യം. ഇപ്പോഴൊന്നും ഉണ്ടാവില്ല എന്ന തരത്തിൽ താരം ഇതിനും ഒരു സ്റ്റിക്കർ ആയിരുന്നു മറുപടി നൽകിയത്. എന്തായാലും താരത്തിൻ്റെ സ്റ്റിക്കർ കളി കുറച്ചു കൂടുന്നുണ്ട്.

ഒരു ആന കുത്താൻ വന്നാൽ എന്ത് ചെയ്യും എന്നായിരുന്നു മറ്റൊരു വ്യക്തി ചോദിച്ച ചോദ്യം. ടു ഹരിഹർ നഗർ എന്ന ചിത്രത്തിലെ മഹാദേവൻ എന്ന കഥാപാത്രം പറയുന്ന പ്രശസ്തമായ ഡയലോഗ് ആണ് ഇത്. ചിത്രത്തിലെ അതേ ഉത്തരം തന്നെയായിരുന്നു താരം നൽകിയത് – “ഓടും”. പ്രായമായാൽ നിഖിലയെ കാണാൻ നിഖിലയുടെ അമ്മയെപ്പോലെ ഉണ്ടാകുമെന്നായിരുന്നു ഒരു വ്യക്തി പറഞ്ഞത്. ഇതിനെ ശരിവയ്ക്കുന്ന തരത്തിൽ നിഖില അമ്മയ്ക്കൊപ്പം ഉള്ള ഒരു ഫോട്ടോ കൂടി പങ്കുവെച്ചു. അമ്മയെയും മകളെയും കാണാൻ ചിത്രത്തിൽ ഏകദേശം ഒരുപോലെ ഉണ്ട് എന്നതും കൗതുകകരമാണ്.