കസേരയില്‍ കെട്ടിയിട്ടു,പിന്നെ നിലത്തിട്ട് ചവിട്ടി.ഒരുമിച്ച് മദ്യപാനം, മദ്യലഹരിയില്‍ അടിപിടി;ഒടുവില്‍ അച്ഛന്റെ ജീവനെടുത്ത് മകന്‍

മദ്യലഹരിയില്‍ അടിപിടി,ഒടുവില്‍ അച്ഛന്റെ ജീവനെടുത്ത് മകൻ.ദേവദാസന്റെ (61) മരണത്തില്‍ ദുരൂഹതതോന്നി പോസ്റ്റ്‌മോര്‍ട്ടം നടത്തുകയും മകനെ ചോദ്യംചെയ്യുകയും ചെയ്തപ്പോഴാണ് സംഭവം ചുരുളഴിഞ്ഞത്. മദ്യലഹരിയിലായിരുന്ന മകന്‍ അക്ഷയ് ദേവിനെ (26) പോലീസ് അറസ്റ്റുചെയ്തു. മകന്‍ നടത്തിയ മര്‍ദനമാണ് ദേവദാസിന്റെ ജീവനെടുത്ത പരിക്കുകള്‍ക്ക് കാരണമെന്നാണ് പോലീസ് കണ്ടെത്തല്‍. പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചശേഷം നടത്തിയ ചോദ്യംചെയ്യലില്‍ അക്ഷയ് ദേവ് കുറ്റം സമ്മതിച്ചതായും പോലീസ് പറഞ്ഞു.

നാടിനെ നടുക്കിയ സംഭവത്തെക്കുറിച്ച് പോലീസ് പറയുന്നതിങ്ങനെ: തിങ്കളാഴ്ച രാത്രി അച്ഛനും മകനും ഒരുമിച്ച് മദ്യപിക്കുകയും മദ്യലഹരിയിലായ ഇരുവരും തമ്മില്‍ അടിപിടിയാവുകയും ചെയ്തു.

അതേ സമയം കടമുറിയുടെ വാടകവാങ്ങാനായിപ്പോയ ദേവദാസന്‍ രണ്ടുപേര്‍ക്ക് കഴിക്കാനുള്ള മദ്യവുമായാണ് തിരിച്ചെത്തിയത് എന്നാണ് മകന്‍ പറയുന്നത്.

മദ്യപിച്ചശേഷം ഉറക്കെ ശബ്ദമുയര്‍ത്തിയ അച്ഛനെ ബഹളം നാട്ടുകാര്‍ കേള്‍ക്കാതിരിക്കാന്‍ കസേരയില്‍ കെട്ടിയിട്ടുവെന്നും പിന്നെ നിലത്തിട്ട് ചവിട്ടിയെന്നുമാണ് അക്ഷയ് ദേവിന്റെ മൊഴി. പൂര്‍ണമായും മദ്യലഹരിയിലായിരുന്നതിനാല്‍ നടന്നകാര്യം മുഴുവന്‍ ഓര്‍ക്കുന്നില്ലെന്നും മകന്‍ മൊഴിനല്‍കി. രണ്ടാം തീയതി രാത്രി മര്‍ദനമേറ്റ ദേവദാസനെ വേദന കൂടിയതിനെത്തുടര്‍ന്ന് മൂന്നാം തീയതി രാത്രിയാണ് മകന്‍ ബാലുശ്ശേരിയിലെ സ്വകാര്യ ആശുപത്രിയിലെത്തിച്ചത്.