ആരാധകര് ഏറെയുള്ള നടിയാണ് നയന്താര. മലയാളത്തിലൂടെ കടന്നുവന്ന നയന്താര അന്യഭാഷ ചിത്രങ്ങളിലാണ് തിളങ്ങിയത്. ഈ നടി ബിഗ് സ്ക്രീനില് സാന്നിധ്യം അറിയിക്കാന് തുടങ്ങിയിട്ട് 20 വര്ഷങ്ങളായി. അതേസമയം ബോളിവുഡിലും നയന്താര അഭിനയിച്ചു. ആറ്റ്ലി സംവിധാനം ചെയ്യുന്ന ഷാരൂഖ് ചിത്രം ‘ജവാനി’ലൂടെയാണ് നയന്താര ബോളിവുഡില് എത്തുന്നത്.
ഇപ്പോള് ബോളിവുഡ് പ്രവേശനം വൈകിയതിനുളള കാരണം എന്തെന്ന് വെളിപ്പെടുത്തിയിരിക്കുകയാണ് നയന്താര . ഹിന്ദിയില് ഇതുവരെ അവസരം ലഭിച്ചില്ലെന്നാണ് നയന്താര പറയുന്നത്. ‘നേരത്തെയുള്ള സാഹചര്യങ്ങള് തികച്ചും വ്യത്യസ്തമായിരുന്നു. എന്നാല് ഇന്ന് അത് മാറി. സാഹചര്യങ്ങള്ക്ക് അനുസരിച്ച് നമ്മളും മാറി സഞ്ചരിക്കണം.
ഒരു നല്ല സിനിമ കണ്ടാല് തമിഴ്, കന്നഡ, തെലുങ്ക്, മലയാളം പ്രേക്ഷകര് സന്തോഷിക്കും. ഉള്ളടക്കം നല്ലതാണെങ്കില് അവ അംഗീകരിക്കും’എന്നും നയന്താര പറഞ്ഞു. കണക്ട് എന്ന പുതിയ ചിത്രത്തിന്റെ പ്രമോഷനില് പങ്കെടുത്ത് സംസാരിക്കുക ആയിരുന്നു താരം.
അതേസമയം, നെറ്റ്ഫ്ലിക്സിനാണ് ജവാന്റെ ഒടിടി അവകാശം വിറ്റുപോയിരിക്കുന്നത്. 120 കോടി രൂപയ്ക്കാണ് അവകാശം വിറ്റുപോയതെന്നാണ് വിവരം. ചിത്രത്തിന്റെ ഓള് ഇന്ത്യ സാറ്റലൈറ്റ് റൈറ്റ്സ് സീ ടിവിയ്ക്കാണെന്നാണ് വിവരം.