പുലിമുരുകന് കൂട്ടുകെട്ടില് എത്തുന്ന പുതിയ ചിത്രമാണ് മോണ്സ്റ്റര്. മോഹന്ലാല് നായകനായി വൈശാഖ് സംവിധാനം ചെയ്ത് ഉദയകൃഷ്ണ രചന നിര്വഹിക്കുന്ന ചിത്രം ഈ മാസം 21ന് റിലീസ് ചെയ്യുമെന്നായിരുന്നു അറിയിച്ചിരുന്നത്.
റിലീസിന് ദിവസങ്ങള് ബാക്കി നില്ക്കേ ആരാധകര്ക്ക് നിരാശ നല്കുന്ന വാര്ത്ത എത്തിയിരുന്നു. യുഎഇ ഒഴികേയുള്ള ജിജിസി രാജ്യങ്ങളില് ചിത്രത്തിന് വിലക്ക് എന്ന വാര്ത്തയായിരുന്നു എത്തിയത്.
സിനിമയുടെ എല്ജിബിടിക്യൂ കണ്ടന്റ് കാരണമായിരുന്നു സിനിമയ്ക്ക് വിലക്ക് എന്നായിരുന്നു റിപ്പോര്ട്ടുകള്. എന്നാലിപ്പോള് പുറത്ത് വരുന്ന വാര്ത്തകള് പ്രകാരം ബഹ്റൈന് ചിത്രത്തിന്റെ വിലക്ക് പിന്വലിച്ചു.
ചിത്രത്തില് നിന്ന് പതിമൂന്ന് മിനിറ്റ് ദൈര്ഘ്യം വരുന്ന രംഗങ്ങള് ഒഴിവാക്കിയ ശേഷമാണ് ചിത്രത്തിന് പ്രദര്ശനാനുമതി ലഭിച്ചത് എന്നാണ് സൂചന. രാജ്യത്ത് മോണ്സ്റ്ററിന്റെ അഡ്വാന്സ് ബുക്കിംഗും ആരംഭിച്ചിട്ടുണ്ട്.
ചിത്രത്തിന്റെ പതിമൂന്ന് മിനിറ്റ് കളഞ്ഞുവെങ്കില് ഞങ്ങള് സിനിമ കാണുന്നതില് എന്ത് അര്ത്ഥമാണ് ഉള്ളത് എന്നാണ് മോഹന്ലാലിന്റെ ബഹ്റൈന് ആരാധകര് ചോദിക്കുന്നത്.
ഒക്ടോബര് 21-ന് ദീപാവലി റിലീസായാണ് മോണ്സ്റ്റര് എത്തുക. സസ്പെന്സ് ത്രില്ലറായൊരുങ്ങുന്ന സിനിമയുടെ സംവിധാനം വൈശാഖാണ്. ഉദയകൃഷ്ണയാണ് ചിത്രത്തിന് തിരക്കഥയൊരുക്കുന്നത്.
പുലിമുരുകന്റെയും തിരക്കഥ ഉദയ്കൃഷ്ണയുടേതായിരുന്നു. തെലുങ്ക് നടന് മോഹന്ബാബുവിന്റെ മകളും നടിയുമായ ലക്ഷ്മി മഞ്ജുവാണ് നായിക. ലക്ഷ്മിയുടെ ആദ്യ മലയാള സിനിമ കൂടിയാണിത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മിക്കുന്നത്.