അഹമ്മദാബാദ്: ലോക കപ്പിന് മുകളിൽ രണ്ടു കാലുകളും കയറ്റിവെച്ച് ബിയര് നുണഞ്ഞ് ഓസ്ട്രേലിയൻ താരം മിച്ചല് മാർഷ്. ഓസ്ട്രേലിയ ക്രിക്കറ്റ് ടീമിന്റെ ഡ്രസിങ് റൂമിൽ നിന്നും പുറത്ത് വരുന്ന ചിത്രങ്ങൾ ആണ് സോഷ്യൽ മീഡിയയിൽ വിമർശനം ഏറ്റുവാങ്ങുന്നത്.
സോഷ്യൽ മീഡിയയിൽ എത്തിയ ചിത്രം വലിയ വിമർശനം ആണ് ഏറ്റുവാങ്ങുന്നത്.
മാര്ഷിന്റെ നടപടി ലോകകപ്പ് കിരീടത്തെ അപമാനിക്കുന്നാണന്നാണ് ആരാധകര് പറയുന്നത്.
എന്നാൽ ഓസ്ട്രേലിയൻ ടീമിനെ ന്യായീകരിച്ചും നിരവധി പേര് എത്തുന്നുണ്ട്.
ഓരോ ടീമിനും ഒരോ സംസ്കാരമുണ്ടെന്നും ഓസ്ട്രേലിയന് സംസ്കാരം അനുസരിച്ച് അത് തെറ്റാവില്ലെന്ന് ന്യായീകരിക്കുന്നവരുമുണ്ട്.
ഇന്നലെ അഹമ്മദാബാദിലെ നരേന്ദ്ര മോദി സ്റ്റേഡിയത്തില് നടന്ന ഫൈനലില് പത്ത് തുടര് ജയങ്ങളുമായി ഫൈനലിലെത്തിയെ ഇന്ത്യയെ ആറ് വിക്കറ്റിന് തകര്ത്താണ് ഓസ്ട്രേലിയ ആറാം കിരിടം നേടിയത്.
ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ 50 ഓവറില് 240ന് എല്ലാവരും പുറത്തായി. മറുപടി ബാറ്റിംഗില് ഓസീസ് 43 ഓവറില് നാലു വിക്കറ്റ് നഷ്ടത്തില് ലക്ഷ്യം മറികടന്നു. 120 പന്തില് 137 റണ്സെടുത്ത ട്രാവിസ് ഹെഡാണ് ഓസീസിന്റെ വിജയം അനാസായമാക്കിയത്. മര്നസ് ലബുഷെയ്ന് (58*) നിര്ണായക പിന്തുണ നല്കി.