നിങ്ങള്‍ നിങ്ങളുടെ ജോലി നോക്കി പോയിക്കോ,രണ്ടാം വിവാഹം ചെയ്യുന്നതിനെ കുറിച്ച് മീന പറയുന്നത്

നിരവധി ആരാധകരെ സൃഷ്ടിച്ച് താരമാണ് നടി മീന.മലയാളത്തിലും തമിഴിലുമായി നിരവധി സിനിമകളിൽ താരം അഭിനയിച്ചിട്ടുണ്ട്.മീനയുമായുള്ള തന്റെ സൗഹൃദത്തെ കുറിച്ച് പല തവണ കല മാസ്റ്റര്‍ സംസാരിച്ചിട്ടുണ്ട്.വിഷമ ഘട്ടത്തില്‍ മീനയ്‌ക്കൊപ്പം എന്തിനും ഏതിനും കല മാസ്റ്റര്‍ ഉണ്ടായിരുന്നു. ഒരു തമിഴ് ചാനലിന് നല്‍കിയ അഭിമുഖത്തില്‍ മീനയെ കുറിച്ച് കല മാസ്റ്റര്‍ സംസാരിക്കുകയുണ്ടായി. മീനയുമായിട്ട് മാത്രമല്ല, മീനയുടെ കുടുംബവുമായിട്ടും എനിക്ക് നല്ല ബന്ധമാണ്. സുഹൃത്ത് എന്നതിനപ്പുറം, ഒരു സഹോദരി ബന്ധമാണ് ഞങ്ങള്‍ തമ്മില്‍. അതുകൊണ്ട് അവള്‍ക്ക് ഒരു ആവശ്യം വന്നാല്‍ ഞാനാണ് മുന്നില്‍ പോയി നില്‍ക്കുക, ഇനിയും നില്‍ക്കും. മാസ്റ്റർ പറയുന്ന കാര്യങ്ങൾ ഇതാണ്,

വിദ്യസാഗറിന് വയ്യാതിരുന്ന സമയത്ത് ആ മൂന്ന് മാസവും അവള്‍ക്കൊപ്പം തന്നെയായിരുന്നു ഞാന്‍. എന്തെല്ലാം അവള്‍ക്കു വേണ്ടി ചെയ്യാന്‍ പറ്റുമോ അതെല്ലാം ചെയ്തുകൊണ്ടേയിരിക്കുകയാണ്. പെട്ടന്ന് അവളുടെ കോള്‍ വന്നാല്‍ പോലും എനിക്ക് പേടിയായിരുന്നു. അത്രയധികം മുള്ളിന്മേല്‍ ചവിട്ടി നിന്നതുപോലെയായിരുന്നു അവസാന മൂന്നു മാസം. പക്ഷെ ജീവിതത്തിലേക്ക് തിരിച്ചുവരും എന്ന പ്രതീക്ഷ വിദ്യ സാഗറിനും മീനയ്ക്കും ഉണ്ടായിരുന്നു.ആ മരണത്തിന്റെ വേദനയില്‍ നിന്ന് അവളെ പുറത്തുകൊണ്ടുവരാന്‍ ഒരുപാട് സമയമെടുത്തു. ഞാന്‍ ഒരുപാട് ഉപദേശിക്കുമ്പോള്‍ അവള്‍ പറയും, ചേച്ചീ നിങ്ങള്‍ പറയുന്നത് ശരിയാണ്. പക്ഷെ പുറത്തേക്ക് വരുന്നത് എത്രമാത്രം പ്രയാസമാണെന്ന് പറയാന്‍ പറ്റില്ല എന്ന്. അതിന് ശേഷം കമ്മിറ്റ് ചെയ്ത സിനിമകള്‍ക്ക് വേണ്ടി മീനയ്ക്ക് പുറത്തേക്ക് വരണമായിരുന്നു. അങ്ങനെ ചെയ്തു തുടങ്ങിയപ്പോഴാണ് പതിയെ ജീവിതത്തിലേക്ക് തിരിച്ചുവന്നത്.

മീനയുടെ അമ്മയെ കുറിച്ച് ആലോചിക്കുമ്പോഴാണ് സങ്കടം. അവളെ ഓര്‍ത്ത് വല്ലാതെ ഫീല്‍ ചെയ്യുന്നുണ്ട്. ചെറു പ്രായമല്ലേ, ഒരു വിവാഹം കൂടെ ചെയ്തുകൂടെ എന്ന് ഞാന്‍ ചോദിക്കാറുണ്ട്. അപ്പോള്‍ എന്നെ വഴക്ക് പറയും, നിങ്ങള്‍ നിങ്ങളുടെ ജോലി നോക്കി പോയിക്കോ എന്ന്, മിണ്ടരുത് എന്നൊക്കെ പറയുമ്പോള്‍ ഞാനും ഒന്നും മിണ്ടാതെ ഇങ്ങു പോരും. ഇനിയൊരു ബന്ധം വേണ്ട, മകളുണ്ട് എന്നാണ് താരം പറയുന്നത്.