കഴിഞ്ഞ ദിവസമായിരുന്നു താന് രണ്ടാമതും വിവാഹം കഴിച്ച കാര്യം നടി ലെന ആരാധകരെ അറിയിച്ചത്. ഗഗന്യാന് ദൗത്യത്തിന്റെ ഭാഗമായ പ്രശാന്ത് ബാലകൃഷ്ണനെ ആയിരുന്നു നടി വിവാഹം കഴിച്ചത്.
ജനുവരിയില് വിവാഹം കഴിഞ്ഞതാണ് എന്നും നടി പറഞ്ഞിരുന്നു. ആരാധകര്ക്ക് സര്പ്രൈസ് നല്കുന്ന പ്രഖ്യാപനമായിരുന്നു നടി നടത്തിയത്.
വിവാഹ വിവരം പുറത്ത് വന്നതിന് പിന്നാലെ നടിയുടെത് പ്രണയ വിവാഹമാണ് എന്ന തരത്തില് പ്രചരണം എത്തിയിരുന്നു. അതിനാലാണ് വിവാഹം രഹസ്യമാക്കി വച്ചത് എന്നായിരുന്നു സോഷ്യല് മീഡിയ പ്രചരണം.
എന്നാല് ഇപ്പോഴിത തന്റെ വിവാഹത്തെ കുറിച്ച് മനസ് തുറക്കുകയാണ് ലെന. ഞങ്ങളുടേത് അറേഞ്ച്ഡ് മാര്യേജ് ആണ് എന്നാണ് ലെന പറയുന്നത്.
പ്രശാന്ത് ഗഗന്യാന് ദൗത്യത്തിലെ പങ്കാളിയായതു കൊണ്ടാണ് വിവാഹ വാര്ത്ത നേരത്തേ പുറത്തുവിടാതിരുന്നത് എന്നാണ് നടി പറയുന്നത്.
ഒരിക്കലും പ്രതീക്ഷിക്കാത്ത സംഭവങ്ങളാണ് ഇപ്പോള് ജീവിതത്തില് നടക്കുന്നത്. ഇപ്പോള് കൊച്ചിയിലില്ലെന്നും ജീവിതത്തിലെ ഏറ്റവും വലിയ ആഗ്രഹമായിരുന്ന തന്റെ പുസ്തക പ്രകാശനത്തോട് അനുബന്ധിച്ച്, വിവാഹ വിശേഷങ്ങള് പങ്കുവയ്ക്കുമെന്നും ലെന പറഞ്ഞു.
ഗഗന്യാന് ബഹിരാകാശയാത്രിക സംഘത്തില് അംഗമാണ് ലെനയുടെ ഭര്ത്താവും വ്യോമസേനയിലെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണന് നായര്. കഴിഞ്ഞ ജനുവരി 17 നാണ് പാലക്കാട് നെന്മാറ സ്വദേശിയായ പ്രശാന്തും ലെനയും വിവാഹിതരായത്.
ഇന്ത്യയുടെ ബഹിരാകാശയാത്രാ പദ്ധതിയായ ‘ഗഗന്യാന്’ യാത്രികരാകാന് പരിശീലനം നടത്തുന്ന നാലംഗ സംഘത്തെ പ്രധാനമന്ത്രി നരേന്ദ്ര മോദി അവതരിപ്പിച്ചിരുന്നു. ദൗത്യ സംഘത്തിന്റെ തലവനാണ് പ്രശാന്ത് ബാലകൃഷ്ണന്. ലെനയും ചടങ്ങില് പങ്കെടുത്തു.
2025ല് ഭൂമിയില്നിന്ന് 400 കിലോമീറ്റര് അകലെയുള്ള ബഹിരാകാശത്തെത്തി മൂന്നു ദിവസത്തിനു ശേഷം തിരികെ ഭൂമിയില് എത്തുന്നതാണ് ഗഗന്യാന് ദൗത്യം.