ഇസ്രയേല്-പലസ്തീന് യുദ്ധത്തെക്കുറിച്ച് താന് എഴുതിയ ഫേസ്ബുക്ക് പോസ്റ്റ് പല രീതിയില് ചര്ച്ച ചെയ്യപ്പെടുന്ന പശ്ചാത്തലത്തില് പോസ്റ്റില് വ്യക്തത വരുത്തി കെകെ ശൈലജ.
പലസ്തീന് ജനത അഭിമുഖീകരിക്കുന്ന കൊടുംക്രൂരതകള്ക്ക് കാരണക്കാര് ഇസ്രയേലാണ്, എന്നാല് സാധാരണ ജനങ്ങളോട് ഹമാസ് കാണിച്ച ക്രൂരതയെ ന്യായീകരിക്കാന് കഴിയില്ല എന്നും താന് പോസ്റ്റില് വ്യക്തമാക്കിയിരുന്നുവെന്നാണ് കെകെ ശൈലജ പറയുന്നത്.
യുദ്ധങ്ങള് നിരപരാധികളായ മനുഷ്യരെയാണ് വേട്ടയാടുന്നത്.ഇസ്രയേല് ഇപ്പോള്പ്രഖ്യാപിച്ച കരയുദ്ധം അവസാനിപ്പിക്കാന് ഐക്യരാഷ്ട്രസഭ ഇടപെടുന്നില്ലെങ്കില് ഇതിനെക്കാള് വലിയ ഭീകരതകള്ക്കാണ് നാം സാക്ഷ്യം വഹിക്കേണ്ടിവരിക.
ഏത് യുദ്ധത്തിലും വര്ഗീയ ലഹളകളിലും നരകയാതനകള്ക്ക് വിധേയരാകുന്നത് സ്ത്രീകളും അനാഥരാകുന്ന കുട്ടികളുമായിരിക്കും എന്നും കെകെ ശൈലജ സോഷ്യല് മീഡിയയില് കുറിച്ചു. പോസ്റ്റിങ്ങനെ-
ഇസ്രയേല്-പലസ്തീന് യുദ്ധത്തെക്കുറിച്ച് ഞാന് എഴുതിയ ഫേസ്ബുക്ക് പോസ്റ്റ് പല രീതിയില് ചര്ച്ച ചെയ്യപ്പെടുന്നതായി കാണുന്നു.
1948 മുതല് പലസ്തീന് ജനത അഭിമുഖീകരിക്കുന്ന കൊടുംക്രൂരതകള്ക്ക് കാരണക്കാര് ഇസ്രയേലും അവരെ സഹായിക്കുന്ന സാമ്രാജ്യത്വശക്തികളുമാണെന്നാണ് പോസ്റ്റില് എഴുതിയത്.
ഇടതുപക്ഷം എപ്പോഴും പലസ്തീന് ജനതയോട് ഐക്യദാര്ഢ്യം പ്രകടിപ്പിക്കുകയും അവരുടെ ഭൂമിയില് കയ്യേറ്റം നടത്തുന്ന ഇസ്രയേലിന്റെ നടപടിയെ വിമര്ശിക്കുകയും ചെയ്തിട്ടുണ്ട്.
എന്നാല് യുദ്ധതടവുകാരോടും സാധാരണ ജനങ്ങളോടും ഹമാസ് കാണിച്ച ക്രൂരതയെ ന്യായീകരിക്കാന് കഴിയില്ല എന്നും പോസ്റ്റില് എഴുതിയിരുന്നു.
പലസ്തീന് ജനതയോട് വര്ഷങ്ങളായി ഇസ്രയേല് ചെയ്യുന്നതും ഇതേ ക്രൂരതയാണെന്ന് പോസ്റ്റില് എഴുതിയിരുന്നു.യുദ്ധങ്ങള് നിരപരാധികളായ മനുഷ്യരെയാണ് വേട്ടയാടുന്നത്.
ഇസ്രയേല് ഇപ്പോള്പ്രഖ്യാപിച്ച കരയുദ്ധം അവസാനിപ്പിക്കാന് ഐക്യരാഷ്ട്രസഭ ഇടപെടുന്നില്ലെങ്കില് ഇതിനെക്കാള്
വലിയ ഭീകരതകള്ക്കാണ് നാം സാക്ഷ്യം വഹിക്കേണ്ടിവരിക.
ഏത് യുദ്ധത്തിലും വര്ഗീയ ലഹളകളിലും നരകയാതനകള്ക്ക് വിധേയരാകുന്നത് സ്ത്രീകളും അനാഥരാകുന്ന കുട്ടികളുമായിരിക്കും.
നേരത്തെ സോഷ്യല് മീഡിയയില് പങ്കുവച്ച പോസ്റ്റ്-